BMT-də Azərbaycanın humanitar yardım alan ölkədən donor ölkəyə çevrildiyi vurğulanıb
Azərbaycanın müstəqilliyini yenidən qazandıqdan bəri humanitar yardım alan ölkədən donor ölkəyə çevrilib.
"Far.Az" xəbər verir ki, bu barədə Azərbaycanın BMT yanında daimi nümayəndəsi Tofiq Musayev ECOSOC-un Humanitar İşlər Seqmentinin ümumi müzakirələrində səsləndirdiyi bəyanatda vurğulayıb.
Bəyanatın mətni daimi nümayəndəliyin "X" sosial media hesabında paylaşılıb.
T. Musayev Azərbaycanın BMT Humanitar İşlərin Əlaqələndirilməsi Ofisi (OCHA ilə əməkdaşlığı və dövlət qurumları tərəfindən göstərilən ikitərəfli yardımları vasitəsilə qlobal humanitar səylərə fəal töhfə verdiyini qeyd edib.
Eyni zamanda, o, Azərbaycanın öz ərazisindəki keçmiş münaqişənin dağıdıcı təsirindən irəli gələn ciddi humanitar çağırışlarla qarşılaşmaqda davam etdiyini diqqətə çatdırıb:
"Bura Ermənistandan olan təxminən 300 000 azərbaycanlı qaçqın, Azərbaycanın keçmiş işğal olunmuş ərazilərindən olan 700 000-dən çox məcburi köçkün, həmin ərazilərdə törədilmiş genişmiqyaslı dağıntılar və 4000-dən çox itkin düşmüş şəxsin taleyi və yeri ilə bağlı hələ də davam edən qeyri-müəyyənlik daxildir".
Daimi nümayəndə Azərbaycanın işğaldan azad edilmiş ərazilərdə apardığı bərpa-quruculuq işləri barədə məlumat verib, mina və digər partlayıcı qalıqlarının hələ də mövcudluğuna toxunub:
"Azərbaycan humanitar minatəmizləməni özünün 18-ci Milli Davamlı İnkişaf Məqsədi elan edib. Mina təhlükəsinin böyüklüyü gücləndirilmiş hesabatlılıq, daha sıx beynəlxalq həmrəylik və tərəfdaşlıq, habelə milli minatəmizləmə potensialına və səylərinə dəstəyin artırılmasını tələb edir".
Yekunda Azərbaycanın BMT-nin məqsəd və prinsiplərinə, eləcə də beynəlxalq səviyyədə razılaşdırılmış müvafiq çərçivələrə uyğun olaraq, həssas əhali qruplarına effektiv, vaxtında və prinsipial humanitar yardımın çatdırılmasına yönəlmiş beynəlxalq səylərə sadiqliyini bir daha təsdiqlədiyi bildirilib.
Oxşar xəbərlər
İlham Əliyevin XIII Qlobal Bakı Forumunun açılış mərasimindəki çıxışının TAM MƏTNİ
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Bakıda TDT Xəritəçəkmə Qurumları Rəhbərlərinin ikinci iclası keçirilib, bəyannamə qəbul edilib
Global Media Group BMT-nin Qlobal Sazişi ilə birgə "Dayanıqlı yaşayış mühitinin dili" mövzusunda media sessiyası təşkil edib
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Ən son xəbərləri bizim
"Facebook" səhifəmizdə izləyin
Digər xəbərlər
-
Macarıstan Xorvatiya vasitəsilə neft tədarükünə dair danışıqlara başlayıb
-
Almaniyada məlumat sızıntısına görə "Deutsche Bank" barəsində araşdırma başladılıb
-
Böyük Britaniya Ukraynaya mindən çox uzaqmənzilli dron verəcək
-
General Natiq Əliyevin qızı ilə bağlı qərar verildi
-
AzTV-də yeni dövr başlayır: Televiziyada nələr dəyişəcək?
-
Azərbaycanda ağır qəza - Ölənlərin sayı artır: Həlak olan ata və azyaşlı qızının fotosu













