Şərifov: Strateji Tərəfdaşlıq Xartiyası Azərbaycan və ABŞ münasibətlərində yeni mərhələ açıb
Azərbaycan ABŞ ilə əməkdaşlığın inkişafına böyük əhəmiyyət verir, Strateji Tərəfdaşlıq haqqında Xartiyanın imzalanması isə ikitərəfli münasibətlərin inkişafında tarixi mərhələ olub.
"Far.Az" xəbər verir ki, bu barədə Azərbaycanın Baş nazirinin müavini Samir Şərifov ABŞ-nin Müstəqillik Gününün 250 illiyinə həsr olunmuş tədbirdə bildirib.
"Azərbaycan və ABŞ arasında Strateji Tərəfdaşlıq haqqında Xartiyanın imzalanması haqlı olaraq ikitərəfli münasibətlərin inkişafında tarixi mərhələ kimi qiymətləndirilir", - Baş nazirin müavini deyib.
Onun sözlərinə görə, ABŞ ilə diplomatik əlaqələri 34 il əvvəl qurmuş Azərbaycan hər zaman ticarət, iqtisadiyyat, energetika və qarşılıqlı maraq doğuran digər sahələrdə əməkdaşlığın inkişafında maraqlı olub.
Şərifov qeyd edib ki, Azərbaycanın ABŞ tərəfindən yaradılmış Beynəlxalq terrorizmə qarşı mübarizə üzrə Qlobal Koalisiyada iştirakı, eləcə də Bakı və Vaşinqtonun qlobal enerji təhlükəsizliyinin təmin edilməsinə birgə töhfəsi iki ölkənin qarşılıqlı fəaliyyətinin parlaq nümunəsidir.
O vurğulayıb ki, bu gün Azərbaycan-ABŞ münasibətləri yüksək sürətlə inkişaf edir.
Baş nazir müavininin sözlərinə görə, Azərbaycan Prezidenti İlham Əliyevin ABŞ lideri Donald Trampın dəvəti ilə ötən ilin avqustunda ABŞ-yə səfəri iki ölkə arasındakı münasibətlərdə yeni mərhələnin əsasını qoyub.
"İlham Əliyev bu səfər zamanı Donald Trampın Azərbaycan və Ermənistan arasında sülh müqaviləsinin imzalanması, Zəngəzur dəhlizinin açılması və fəaliyyəti, həmçinin "Beynəlxalq sülh və rifah naminə Tramp Marşrutu"nun yaradılması üçün göstərdiyi dəstəyi və vasitəçilik səylərini yüksək qiymətləndirir", - Şərifov deyib.
O əlavə edib ki, ikitərəfli münasibətlərin müsbət dinamikasının davamı olaraq Azərbaycan və ABŞ liderlərinin sonrakı görüşləri baş tutub, ABŞ-nin vitse-prezidenti Cey Di Vensin bu ilin fevral ayında Azərbaycana səfəri isə yüksək səviyyəli siyasi dialoqun intensivliyini bir daha təsdiqləyib.
Şərifov həmçinin əminliyini ifadə edib ki, iqtisadi əməkdaşlıq mexanizmlərinin təkmilləşdirilməsi ticari-iqtisadi əlaqələrin genişlənməsinə və iki ölkənin işgüzar dairələri arasında qarşılıqlı fəaliyyətə əlavə təkan verəcək.
Bundan əlavə, o qeyd edib ki, 44 günlük Vətən müharibəsindəki qələbədən sonra Azərbaycan Prezidenti İlham Əliyevin uzaqgörən və konstruktiv siyasəti yeni geosiyasi reallığın konturlarını formalaşdıraraq ölkənin Cənubi Qafqaz və Xəzər regionunda geosiyasi rolunu gücləndirib.
Oxşar xəbərlər
Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub
Şəhid analarının iştirakı ilə Vətən müharibəsində Zəfərin 5 illiyinə həsr olunmuş tədbir keçirilib
Vətən müharibəsində Qələbənin beşinci ildönümünə həsr olunmuş Hərbi parad keçirilib
Leyla Əliyeva və Alyona Əliyeva Müstəqillik Gününə həsr olunmuş konserti izləyiblər
WUF13-ün beşinci günündən maraqlı anlar - FOTOREPORTAJ
Ən son xəbərləri bizim
"Facebook" səhifəmizdə izləyin
Digər xəbərlər
-
Macarıstan Xorvatiya vasitəsilə neft tədarükünə dair danışıqlara başlayıb
-
Almaniyada məlumat sızıntısına görə "Deutsche Bank" barəsində araşdırma başladılıb
-
Böyük Britaniya Ukraynaya mindən çox uzaqmənzilli dron verəcək
-
General Natiq Əliyevin qızı ilə bağlı qərar verildi
-
AzTV-də yeni dövr başlayır: Televiziyada nələr dəyişəcək?
-
Azərbaycanda ağır qəza - Ölənlərin sayı artır: Həlak olan ata və azyaşlı qızının fotosu













