Haaqada Azərbaycan-Niderland parlamentlərarası əlaqələri müzakirə olunub
Haaqada Azərbaycan-Niderland parlamentlərarası əlaqələri müzakirə olunub.
Bu barədə "Report"a Azərbaycanın Niderlanddakı Səfirliyindən məlumat verilib.
Qeyd olunub ki, ATƏT Parlament Assambleyasının Haaqada keçirilən illik sessiyası çərçivəsində Azərbaycan Milli Məclisinin ATƏT PA-dakı nümayəndə heyətinin rəhbəri və Milli Məclisdə Azərbaycan-Niderland parlamentlərarsı əlaqələr üzrə işçi qrupunun rəhbəri Qaya Məmmədov və heyətin üzvləri - deputatlar Sevinc Fətəliyeva, Azay Quliyev və Tural Gəncəliyev Niderland parlamentinin üzvləri ilə müzakirələr aparıb.
Bu xüsusda, ilk olaraq nümayəndə heyətinin rəhbəri Q.Məmmədov Niderland Senatının sədri Mei Li Vos və Nümayəndələr Palatasının sədri Tom van Kampen ilə söhbət edib. Səfər çərçivəsində Azərbaycan nümayəndə heyətinin Niderland Senatının Birinci vitse-prezidenti Boris Ditrixin rəhbərliyi ilə hər iki palatanın xarici əlaqələr daimi komitələrinin üzvləri ilə geniş tərkibdə görüşü keçirilib.
Müzakirələrdə Azərbaycan və Niderland arasında münasibətlərin hazırkı vəziyyəti və inkişaf perspektivləri, Azərbaycanın Avropa üçün enerji təhlükəsizliyi və nəqliyyat-bağlantılar nöqteyi-nəzərdən əhəmiyyəti, regiondakı vəziyyət, keçmiş münaqişə və hazırkı sülh gündəliyi barədə fikir mübadiləsi aparılıb. Habelə iki ölkə arasında əlaqələrin genişləndirilməsində parlament diplomatiyasının rolu vurğulanıb, iki ölkənin parlamentlərı arasında mütəmadi dialoqun əhəmiyyəti qeyd olunub.
Səfər vaxtı Azərbaycan nümayəndə heyətini salamlayan Haaqa şəhərinin meri Yan van Zanen Ümumdünya Şəhərsalma Forumunun 13-cü sessiyasında iştirak məqsədilə Bakıya səfəri ilə bağlı xoş xatirələrini bölüşüb.
Oxşar xəbərlər
Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI
İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib
Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub
Şəhid olmuş bir qrup hərbi qulluqçu və mülki işçi ölümündən sonra təltif olunub
Milli Məclisdə “Parlamentarizm: ənənələr və perspektivlər” mövzusunda Beynəlxalq Parlament Konfransı keçirilib - YENİLƏNİB
Ən son xəbərləri bizim
"Facebook" səhifəmizdə izləyin
Digər xəbərlər
-
Almaniyada məlumat sızıntısına görə "Deutsche Bank" barəsində araşdırma başladılıb
-
Macarıstan Xorvatiya vasitəsilə neft tədarükünə dair danışıqlara başlayıb
-
Böyük Britaniya Ukraynaya mindən çox uzaqmənzilli dron verəcək
-
General Natiq Əliyevin qızı ilə bağlı qərar verildi
-
AzTV-də yeni dövr başlayır: Televiziyada nələr dəyişəcək?
-
Azərbaycanda ağır qəza - Ölənlərin sayı artır: Həlak olan ata və azyaşlı qızının fotosu













