İlahiyyat İnstitutu ilə ABŞ-nin Dinlərarası Qonşuluq Şəbəkəsi arasında əməkdaşlıq müzakirə olunub
Azərbaycanda səfərdə olan ABŞ-nin Dinlərarası Qonşuluq Şəbəkəsinin üzvlərindən ibarət nümayəndə heyəti Azərbaycan İlahiyyat İnstitutunda (Aİİ) olub.
Bu barədə "Far.Az"a İlahiyyat İnstitutundan məlumat verilib.
Görüşdə Aİİ rektoru, dosent Aqil Şirinov qonaqlara Azərbaycanda mövcud olan birgəyaşayış ənənəsi, tolerantlıq mühiti barədə məlumat verib. Ali müəssisə rəhbəri Azərbaycanda müxtəlif dinlərin nümayəndələrinin sülh və əmin-amanlıq şəraitində yaşadıqlarını vurğulayıb, ölkədəki ənənəvi dini qruplara daim qayğı ilə yanaşıldığını qeyd edib.
A.Şirinov Aİİ haqqında geniş məlumat verib. İnstitutda mövcud ixtisaslar, təhsil səviyyələri barədə bəhs edib, Aİİ-də tədrisin məzhəblərüstü aparıldığını diqqətə çatdırıb.
Dinlərarası Qonşuluq Şəbəkəsinin həmtəsisçisi, Qlobal Məsələlər İnstitutunun prezidenti və Texasdakı Nortvud kilsəsinin baş pastoru Bob Roberts təmsil etdiyi təşkilat haqqında geniş məlumat verib. O, dünyada radikallığın artdığı müasir dövrdə Azərbaycanın tolerantlıq baxımından müsbət təcrübə yaratdığını söyləyib, bu praktikanın öyrənilməsinin vacib olduğunu bildirib.
Görüşdə əməkdaşlıq istiqamətləri müzakirə olunub.
Qeyd edək ki, nümayəndə heyətinin tərkibinə Dinlərarası Qonşuluq Şəbəkəsinin həmtəsisçisi, Qlobal Məsələlər İnstitutunun prezidenti və Texasdakı Nortvud kilsəsinin baş pastoru Bob Roberts, Qlobal Məsələlər İnstitutunun vitse-prezidenti Ceyms Çen, “Microsoft” Korporasiyasının xarici əlaqələr üzrə baş direktoru, dini azadlıq məsələləri üzrə xristian beyin mərkəzi olan Qlobal İştirak İnstitutunun baş elmi işçisi Suheyl Xan Berkli, Daniel Lenqford daxildirlər.
Oxşar xəbərlər
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Dini Komitənin sədri ABŞ nümayəndə heyətini Azərbaycandakı dialoq mühiti barədə məlumatlandırıb
Ramin Məmmədov: İlahiyyat İnstitutunun qadın məzunları ölkədə dini təhsilə mühüm töhfələr veriblər
VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3
Şuşada müzakirə: Dini radikalizmlə mübarizədə ən effektiv üsul maarifləndirmədir
Ən son xəbərləri bizim
"Facebook" səhifəmizdə izləyin
Digər xəbərlər
-
Çexiya və ABŞ arasında qaz tədarükü ilə bağlı razılaşmanın yekun variantı razılaşdırılıb
-
ABŞ-də Gmail və Outlook poçt xidmətlərinin fəaliyyətində fasilələr yaranıb
-
UEFA Millətlər Liqasında qrup mərhələsinin son oyunları keçirilib
-
Nvidia direktorlar şurası Censen Huangi baş direktor vəzifəsinə qaytarmaq niyyətində deyil
-
Norveçdə pensiya yaşı artırıla bilər
-
Rumıniyada güclü zəlzələ baş verib













