Putin MKİ rəhbəri ilə görüşməyib
Rusiya Prezidenti Vladimir Putin Moskvaya səfər edən ABŞ Mərkəzi Kəşfiyyat İdarəsinin (MKİ) direktoru Con Retkliff ilə görüş keçirməyib.
Far.Az xəbər verir ki, bunu Rusiya liderinin mətbuat katibi Dmitri Peskov "Vesti"nin jurnalisti Pavel Zarubinə açıqlamasında bildirib.
Peskov Putinin Retkliff ilə görüşüb-görüşmədiyinə dair suala "Xeyr, Prezidentlə görüş olmayıb" cavabını verib.
Kremlin sözçüsü eyni zamanda Rusiya və ABŞ kəşfiyyat strukturları arasında təmasların Ukrayna münaqişəsinin nizamlanmasına təsir göstərə biləcəyini qeyd edib. Onun sözlərinə görə, bu təsir tərəflərin irəli sürdüyü təklif və ideyalardan asılı olacaq.
Peskov bildirib ki, kəşfiyyat orqanları arasında əlaqələrin davam etdirilməsinin əsas məqsədlərindən biri də mümkün nizamlanmaya töhfə verməkdir.
Qeyd edək ki, MKİ direktoru Con Retkliff avqustun 25-də bir sıra yüksək vəzifəli Rusiya rəsmiləri ilə görüşlər keçirmək üçün Moskvaya səfər edib. "The Wall Street Journal" görüşlər zamanı Retkliffin Ukrayna münaqişəsi fonunda Moskvanı NATO ölkələri ilə mümkün eskalasiya riskləri barədə xəbərdar etmiş ola biləcəyini yazıb.
ABŞ Prezidenti Donald Tramp isə MKİ rəhbərinin Rusiyaya səfərinin rutin xarakter daşıdığını bildirib.
Oxşar xəbərlər
Birinci vitse-prezident Mehriban Əliyeva Müqəddəs Pavel Bazilikasının baş keşişi ilə görüşüb
Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3
İlham Əliyev Zəngilanda ilk yaşayış kompleksinə köçən ailələrlə görüşüb
İlham Əliyev Xocavənd şəhər və Xocavənd kənd sakinləri ilə görüşüb
Peskov: Putin ABŞ-nin Mərkəzi Kəşfiyyat İdarəsinin direktoru ilə görüşməyib
Ən son xəbərləri bizim
"Facebook" səhifəmizdə izləyin
Digər xəbərlər
-
"Bitly" "X"də kiber hücumun fəsadlarını aradan qaldırmağa çalışır
-
Bəhrəmtəpə hidroqovşağında təmirə görə İmişlidə suarma kanallarına suyun verilməsi dayandırılacaq
-
ABŞ HDQ-nin üçüncü təyyarədaşıyan gəmisi Yaxın Şərqə gəlib
-
Ağstafada sursat partlayışı nəticəsində xəsarət alan şəxsin durumu açıqlanıb
-
Türkiyədə bir neçə ev yanıb, zərərçəkənlər var
-
Sabah Bakıda bu ərazilərdə su olmayacaq













