Qadın sablyaçılardan ibarət Azərbaycan millisi Dünya Kubokunda 14-cü yeri tutub
Qılıncoynatmanın sablya növü üzrə qadınlardan ibarət Azərbaycan millisi Misirin paytaxtı Qahirədə keçirilən Dünya Kubokunun mərhələ yarışında 22 komanda arasında 14-cü yeri tutub.
Bu barədə "Far.Az"a Azərbaycan Qılıncoynatma Federasiyasından (AQF) bildirilib.
Zərifə Hüseynova, Səbinə Kərimova, Anna Başta və Palina Kaspiaroviçdən ibarət yığma ilk görüşündə Türkiyə seçməsini 45:30 hesabı ilə məğlub edib. Komanda ən güclü səkkizliyə yüksəlmək uğrunda qarşılaşmada ABŞ qılıncoynadanlarına 36:45 hesabı ilə uduzub. 9-16-cı yerlər uğrunda matçlarda Çin kollektivinə 34:45 hesabı ilə məğlub olan idmançılar İspaniya millisini 45:29 hesabı ilə üstələyiblər. Azərbaycan seçməsi komanda yarışındakı son sınağında Ukrayna təmsilçilərinə 36:45 hesabı ilə yenilib.
Fərdi yarışda isə Azərbaycan təmsilçilərindən ən yaxşı nəticəni göstərən Anna Başta 180 idmançı arasında 16-cı pillədə qərarlaşıb. Qrup mərhələsini 4 qələbə ilə başa vuran Başta pley-offda Polşa və ABŞ sablyaçılarına qalib gələrək ən güclü 64-lüyə yüksəlib. Burada Macarıstan və Çin idmançılarını mübarizədən kənarlaşdıran qılıncoynadan ən güclü səkkizliyə vəsiqə uğrunda görüşdə Rusiya təmsilçisi Yana Yeqoryana 11:15 hesabı ilə uduzub. Digər Azərbaycan sablyaçılarından Palina Kaspiaroviç ən güclü 32-liyə, Səbinə Kərimova isə 64-lüyə kimi irəliləməyi bacarıb. Zərifə Hüseynova mübarizəni pley-offda dayandırıb.
Qeyd edək ki, Yeniyetmələrin 4-cü Yay Olimpiya Oyunlarında qılıncoynatmanın sablya növündə Azərbaycanı təmsil edən Abbas Hüseynov fərdi yarışda 6-cı olub.
Oxşar xəbərlər
İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub
Leyla Əliyeva "Mənzərəyə açılan ev" mövzusunda qrup sərgisində iştirak edib
"Sabah" Azərbaycan Kubokunun 2025/2026 mövsümünün qalibi olub - YENİLƏNİB-6
"Formula 1": Bakıdakı ikinci sərbəst yürüşdə ən yaxşı nəticəni göstərən pilot müəyyənləşib
Azərbaycanın qadın sablyaçılardan ibarət millisi Dünya Kubokunda 4-cü yeri tutub
Ən son xəbərləri bizim
"Facebook" səhifəmizdə izləyin
Digər xəbərlər
-
"Bitly" "X"də kiber hücumun fəsadlarını aradan qaldırmağa çalışır
-
ABŞ HDQ-nin üçüncü təyyarədaşıyan gəmisi Yaxın Şərqə gəlib
-
Türkiyədə bir neçə ev yanıb, zərərçəkənlər var
-
İmişlidə suvarma kanallarına suyun verilişi iki ay dayandırılacaq - Səbəb
-
Rusiya və Gürcüstan xüsusi nümayəndələr səviyyəsində birbaşa dialoqu bərpa edirlər
-
UEFA Millətlər Liqası: Türkiyə Fransaya, İspaniya İngiltərəyə məğlub olub













