Azərbaycan milliləri Özbəkistanın Səmərqənd şəhərində keçirilən 46-cı Ümumdünya Şahmat Olimpiadasında növbəti qələbələrini qazanıblar.

"Report"un məlumatına görə, III turda Azərbaycanın kişilərdən ibarət millisi İsveçrəuə 3:1 hesabı ilə qalib gəlib.

Şəhriyar Məmmədyarov və Məhəmməd Muradlı rəqiblərini üstələyiblər. Aydın Süleymanlı və Eltac Səfərli isə heç-heçə edib.

Qadınlardan ibarət Azərbaycan komandası isə İsveç yığması ilə üz-üzə gəlib. Şahmatçılarımız bu görüşdə 2,5:1,5 hesablı qələbə qazanıblar. Gülnar Məmmədova rəqibini məğlub edib. Ülviyyə Fətəliyeva, Gövhər Beydullayeva və Günay Məmmədzadə isə heç-heçəyə razılaşıb.

Qeyd edək ki, ilk iki turda Azərbaycanın kişilərdən ibarət yığması Mərakeş (4:0) və Filippin (3:1) komandalarına qalib gəlib. Qadınlardan ibarət komanda isə Qvatemala və Danimarkanı 4:0 hesabı ilə məğlub edib.

İlk iki turun yekunlarına əsasən, kişilərdən ibarət kollektiv 4 xalla turnir cədvəlində 19-cu, eyni xala malik qadın komandası isə 11-ci pillədə qərarlaşıb.

Qeyd edək ki, Ümumdünya Şahmat Olimpiadası İsveçrə sistemi üzrə 11 turdan ibarət keçirilir. Yarış sentyabrın 27-də başa çatacaq.

Oxşar xəbərlər

Prezident İlham Əliyev Bakının İslam Səfərli küçəsinin yenidənqurmadan sonra açılışında iştirak edib

Azərbaycan milliləri Şahmat Olimpiadasında növbəti qələbələrini qazandılar

Global Media Group şahmat turniri təşkil etdi

Azərbaycan yığmaları Özbəkistanda 46-cı Ümumdünya Şahmat Olimpiadasında mübarizəyə başlayır

Aydın Süleymanlı dünya çempionu Maqnus Karlseni məğlub edib