UEFA Millətlər Liqasında keçiriləcək Azərbaycan - Lixtenşteyn oyununu idarə edəcək avstriyalı hakim Kristian-Petru Çokirka daha əvvəl "Qarabağ"ın avrokubokdakı matçında iş başında olub.

"Report"un məlumatına görə, 37 yaşlı FIFA referisi 2023-cü ildə UEFA Avropa Liqasının qrup mərhələsinin II turunda keçirilən "Hakken" (İsveç) - "Qarabağ" qarşılaşmasında iştirak edib.

O, həmin vaxt görüşün VAR hakimi funksiyasını yerinə yetirib. Sözügedən oyun Azərbaycan təmsilçisinin 1:0 hesablı qələbəsi ilə yekunlaşıb.

Kristian-Petru Çokirka 2019-cu ildən beynəlxalq oyunlara təyinat alır. O, cari mövsüm Avstriya Bundesliqası ilə yanaşı, UEFA Çempionlar Liqası və UEFA Konfrans Liqasının təsnifat mərhələrinin qarşılaşmalarında söz sahibi olub.

Xatırladaq ki, Azərbaycan - Lixtenşteyn oyunu oktyabrın 1-də, saat 20:00-da Tofiq Bəhramov adına Respublika stadionunda start götürəcək.

Oxşar xəbərlər

Polis Günündə də post başında – Bakının küçələrindən diqqətçəkən FOTOLAR

Leyla Əliyeva "Mənzərəyə açılan ev" mövzusunda qrup sərgisində iştirak edib

"Qarabağ" UEFA Konfrans Liqasında mübarizəni dayandırıb, 12 illik seriya qırılıb - YENİLƏNİB-8

Ucuz qiymətə qızıl almaq istəyənləri SEVİNDİRƏCƏK XƏBƏR

İlham Əliyev Cəbrayılın Horovlu kəndinin birinci mərhələsinin açılışında iştirak edib