Azərbaycan Tennis və Padel Federasiyasının təşkilatçılığı ilə Bakı Tennis Akademiyasında yerli tennis məşqçiləri üçün keçirilən akkreditasiya proqramının ikinci moduluna start verilib.

BAKU.WS-in məlumatına görə, Xorvatiyadan dəvət olunmuş məşqçinin rəhbərliyi ilə keçirilən səkkizgünlük proqramda 20 yerli tennis məşqçisi iştirak edir.

Nəzəri və praktiki məşğələlərdən ibarət proqram məşqçilərin peşəkar bilik və bacarıqlarının təkmilləşdirilməsinə, müasir təlim metodlarının mənimsənilməsinə və məşq prosesində tətbiqinə yönəlib.

Ümumilikdə altı moduldan ibarət olan akkreditasiya proqramının birinci modulu artıq yekunlaşıb. Hazırda keçirilən ikinci moduldan sonra iştirakçılar növbəti dörd modul üzrə hazırlıqlarını davam etdirəcəklər.

Proqram Azərbaycanda tennis məşqçilərinin peşəkar inkişafına və yerli tennisçilərin hazırlıq səviyyəsinin yüksəldilməsinə dəstək məqsədi daşıyır.

Qalereya

Oxşar xəbərlər

Prezident İlham Əliyev Milli Aviasiya Akademiyasında Beynəlxalq Təlim Mərkəzinin açılışında iştirak edib

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

Əmək və Sosial Münasibətlər Akademiyasında COP29-a həsr edilən elmi nəşrin təqdimatı olub

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

Azərbaycan Əmək və Sosial Münasibətlər Akademiyasında Bilik Günü münasibətilə tədbir keçirilib