Qarabağın dağ mənzərələri və onların arasında yerləşən tarixi abidələr xarici səyyahlarda böyük təəssürat yaradır.

"Far.Az"un Qarabağa ezam olunmuş xəbər verir ki, bu barədə "Most Traveled People" (MTP) klubunun beynəlxalq səyyahlar qrupunun tərkibində regiona səfər edən amerikalı səyyah Viktoriya Skrima (Victoria Scrima) bildirib.

Onun sözlərinə görə, əvvəllər 2024-cü ildə Azərbaycanda olsa da, Qarabağa ilk dəfədir səfər edir: "İndiyə qədər gördüyüm hər şey çox maraqlı idi. Burada inanılmaz dərəcədə gözəl mənzərələr var. Dağ yolları ilə bugünkü səyahət mənə xüsusilə dərin təəssürat doğurdu".

V.Skrima həmçinin qədim alban monastırları olan Xudavəng və Gəncəsərə səfərindən təəssüratlarını bölüşüb.

Onun sözlərinə görə, Gəncəsər monastırının dağ mənzərələri arasında yerləşməsi xüsusi diqqət çəkib: "Hazırda olduğumuz monastırın yerləşməsi mənim xüsusilə xoşuma gəldi. O, dağların arasında, gözəl mənzərəli bir yerdə yerləşir. Hər iki monastır həqiqətən də gözəldir".

Səyyah əlavə edib ki, Azərbaycana bu səfər ona ölkənin tarixi irsi ilə tanış olmaq imkanı verib. O, həmçinin Bakıya təkrar səfərindən razı qaldığını qeyd edib. V.Skrima qeyd edib ki, paytaxtın mədəni həyatı ilə daha yaxından tanış ola bilib.

Oxşar xəbərlər

Leyla Əliyeva və Arzu Əliyeva Şəkidə tarixi-memarlıq abidələrinin bərpadan sonra açılışında iştirak ediblər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Azərbaycan tarixinin daş yaddaşı - Qafqaz Albaniyası və erməni siyasəti – ŞƏRH

Alban-Udi xristian dini icmasının üzvləri Gəncəsər monastırına səfər ediblər

AMEA: Ermənistanda Gəncəsər monastırı ətrafında yaradılan kampaniya tarixi reallıqları təhrif edir