Masallı, Saatlı və Qusarda peşə təhsili infrastrukturunun genişləndirilməsi istiqamətində yeni layihə hazırlanır.

Far.Az-in əldə etdiyi məlumata görə, layihəni Elm və Təhsil Nazirliyinin Təsərrüfat Hesablı Əsaslı Tikinti və Təchizat İdarəsi həyata keçirəcək.

Layihə çərçivəsində hər üç şəhərdə peşə liseyinin tikintisi üçün zəruri layihə-smeta sənədləri hazırlanacaq. Bu sənədlər gələcək tikinti işlərinin texniki həllərinin müəyyənləşdirilməsi, obyektlərin layihələndirilməsi və tikinti xərclərinin hesablanması baxımından mühüm əhəmiyyət daşıyır.

Yeni təhsil müəssisələrinin yaradılması regionlarda peşə təhsili imkanlarının genişləndirilməsinə, gənclərin əmək bazarının tələblərinə uyğun ixtisaslara yiyələnməsinə və yerli müəssisələrin ixtisaslı kadrlara olan tələbatının ödənilməsinə şərait yaradacaq. Eyni zamanda, peşə təhsili infrastrukturunun inkişafı gənclərin yaşadıqları bölgələrdə təhsil alaraq gələcəkdə məşğulluq imkanlarını artırmasına töhfə verəcək.

Oxşar xəbərlər

Prezident İlham Əliyev Şamaxı Avropa liseyinin yeni binasının açılışında iştirak edib

SOCAR-ın Bakı Ali Neft Məktəbinin nəzdində fəaliyyət göstərən Rəqəmsal Biliklər Liseyinin rəsmi açılış mərasimi keçirilib

İlham Əliyev Lənkəran Dövlət Peşə Təhsil Mərkəzinin açılışında iştirak edib

Azərbaycanın yeni sənaye modelinin konturları - TƏHLİL

Qusarda "Media Kuboku-2026" minifutbol turnirinin qalibi müəyyənləşdi