Şəkidə şəhid mayor Xəyal Məmmədova həsr olunan kitabın təqdimatı keçirilib
Şəkidə Vətən müharibəsinin şəhidi, mayor Xəyal Məmmədovun doğum günündə ona həsr olunan "Vətənin Xəyalı" kitabının təqdimatı keçirilib.
"Report"un Şimal-qərb bürosunun məlumatına görə, Şəki Dövlət Dram Teatrında keçirilən mərasimdə şəhidin ailə üzvləri, döyüş yoldaşları, rayon rəsmiləri, şəhid ailələri və qazilər iştirak ediblər.
Yazıçı-publisist Manya Səxavətqızının hazırladığı kitabda X.Məmmədovun şərəfli ömür və döyüş yolundan ətraflı bəhs olunub.
Xəyal Ağabəy oğlu Məmmədov 1986-cı il noyabrın 18-də Şəki şəhərində anadan olub. 1993-2001-ci illərdə Şəki şəhərindəki 5 nömrəli tam orta məktəbdə, 2001-2004-cü illərdə isə Cəmşid Naxçıvanski adına Hərbi Liseydə təhsil alıb. 2004-2008-ci illərdə Heydər Əliyev adına Azərbaycan Ali Hərbi Məktəbində (AAHM) ali hərbi təhsilini davam etdirib. Hərbi təhsili müddətində bir sıra ölkələrdə keçirilən təlimlərdə iştirak edib.
Mayor X.Məmmədov 2020-ci il sentyabrın 27-də başlanan Vətən müharibəsinin gedişində Cəbrayıl, Hadrut, Füzuli, Zəngilan və Qubadlının azad edilməsi uğrunda döyüşlərdə iştirak edib. O, döyüşlər zamanı yaralı hərbçiləri döyüş meydanından çıxararmaqla da fərqlənib. X.Məmmədov 2020-ci il oktyabrın 20-də Qubadlı döyüşləri zamanı şəhid olub. Şəki şəhərində dəfn edilib.
Ölümündən sonra "Vətən uğrunda", "Cəbrayılın azad olunmasına görə", "Qubadlının azad olunmasına görə", "Füzulinin azad olunmasına görə" medalları və III dərəcəli "Vətənə xidmətə görə" ordeni ilə təltif edilib. Ailəli olub, iki qız övladı yadigar qalıb.
Oxşar xəbərlər
Şəhid olmuş bir qrup hərbi qulluqçu və mülki işçi ölümündən sonra təltif olunub
FHN Cəmşid Naxçıvanski adına Hərbi Liseydə təlim keçirib
Yazıçı-publisist Aydın Tağıyevin kitabının təqdimatı olub
Nazir bu müəllimləri təltif edildi - ADLAR
Cəmşid Naxçıvanski adına Hərbi Liseydə buraxılış mərasimi keçirilib
Ən son xəbərləri bizim
"Facebook" səhifəmizdə izləyin
Digər xəbərlər
-
"Bakcell" gənclər üçün növbəti süni intellekt hakatonunu keçirib
-
"Sədərək" bazarında səssizlik: Alıcıları hara üz tutublar?
-
ABŞ-də Gmail və Outlook poçt xidmətlərinin fəaliyyətində fasilələr yaranıb
-
UEFA Millətlər Liqasında qrup mərhələsinin son oyunları keçirilib
-
Çexiya və ABŞ arasında qaz tədarükü ilə bağlı razılaşmanın yekun variantı razılaşdırılıb
-
ABŞ Azərbaycana minatəmizləmə işlərində yardım göstərə bilər













