Azərbaycan və Türkmənistan arasındakı əməkdaşlıq Orta Dəhlizin səmərəliliyinin artırılmasında əsas rol oynayır.

"Report" xəbər verir ki, bu barədə iqtisadiyyat naziri Mikayıl Cabbarov Türkmənistanın Müstəqillik Gününün 35-ci ildönümünə həsr olunmuş tədbirdə bildirib.

Onun sözlərinə görə, tranzit yükdaşımalarının həcmi ildən-ilə artır: "Türkmənistan müasir nəqliyyat infrastrukturuna malikdir, Azərbaycan isə öz dəniz limanına, dəmir yolu şəbəkəsinə və digər logistika obyektlərinə əhəmiyyətli investisiyalar yatırıb. Biz inanırıq ki, bu sahədə birgə səylər bütün regiona əhəmiyyətli fayda verəcək".

Bundan əlavə, nazir qeyd edib ki, Türkmənistan nefti Azərbaycan ərazisindən beynəlxalq bazarlara nəql edilir, Azərbaycan Dövlət Neft Şirkəti (SOCAR) isə Türkmənistanın perspektivli neft-qaz yataqlarının mənimsənilməsi üzrə layihələrdə iştirak etməkdə maraqlıdır.

M. Cabbarov həmçinin bildirib ki, 2026-cı ilin iyul ayında Aşqabadda keçirilmiş İqtisadi Əməkdaşlıq üzrə Birgə Hökumətlərarası Komissiyanın 9-cu iclası zamanı tərəflər ticari-iqtisadi sahədə, energetika, nəqliyyat, kənd təsərrüfatı, ərzaq təhlükəsizliyi, ətraf mühitin mühafizəsi və digər istiqamətlərdə tərəfdaşlığın möhkəmləndirilməsini müzakirə ediblər.

Onun sözlərinə görə, iki ölkənin əməkdaşlığı həmçinin birgə müəssisələrin və sənaye komplekslərinin yaradılması, eləcə də təbii sərvətlərin emalı üzrə layihələrin həyata keçirilməsi üçün imkanlar açır.

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

Leyla Əliyeva və Alyona Əliyeva Müstəqillik Gününə həsr olunmuş konserti izləyiblər

Ağdam və Füzulidə Heydər Əliyevin 103-cü ildönümünə həsr olunan tədbirlər keçirilib