ABŞ Prezidenti Donald Tramp Vaşinqtonun Tehranla müzakirələr apardığı şəxslərin kimliyi ilə bağlı qeyri-müəyyənlik yaşadığını bildirib.

"Report"un məlumatına görə, Amerika lideri bu barədə Arizona ştatında tərəfdarları qarşısında çıxış edərkən danışıb.

Tramp iddia edib ki, İran tərəfi ABŞ-dan İran rəhbərlərini aradan götürməyəcəyinə dair vəd verməsini tələb edib.

"Onların birinci səviyyəli rəhbərləri məhv edildi, sonra ikinci səviyyəli rəhbərlər seçdilər. İkinci səviyyəli rəhbərləri də məhv edildi və bu dəfə üçüncü səviyyəli şəxsləri seçdilər. Onların yarısı artıq yoxdur. Onlar məndən daha heç kimi aradan götürməyəcəyimə söz verməyimi tələb etdilər və mən sözümə əməl etdim. Bəlkə də, bir qədər həddi aşmışam. Təəssüf edirəm, çünki artıq danışıqlarda kiminlə üz-üzə olduğumuzu başa düşmürəm", – Tramp bildirib.

ABŞ Prezidenti çıxışında İranla müharibənin başlanmasından sonra benzin qiymətlərinin daha kəskin artacağını gözlədiyini də etiraf edib.

"Benzinin qiymətinin artacağını bilirdim, amma bunun nə qədər olacağını təsəvvür etmirdim. Düzünü desəm, qiymətlərin daha çox yüksələcəyini düşünürdüm", – o qeyd edib.

Oxşar xəbərlər

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Oğlunun məzarına getməyən şəhid atası: "Onu torpaq altında təsəvvür edə bilmirəm"

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3