Fransa bu ilin iyul ayında keçirilən danışıqlar zamanı Kiyev rejiminə vəd edilmiş raketlərin tədarükünü sürətləndirmək niyyətindədir. Həmçinin Ukrayna ərazisində Fransa silahlarının istehsalı üçün lisenziyaların verilməsinin sürətləndirilməsi imkanları müzakirə olunacaq.

BAKU.WS Trend-ə istinadən xəbər verir ki, bu barədə Fransa Prezidenti Emmanuel Makron Avropa İttifaqının sammitinin yekunlarına dair mətbuat konfransında bildirib.

"Fransa tərəfindən bu ilin iyul ayında Ukrayna ilə razılaşdırılmış məsələlərin həyata keçirilməsinin sürətləndirilməsi də müzakirə olundu", – deyə o bildirib.

E. Makron əlavə edib ki, Paris növbəti raket partiyasının və hərbi avadanlıqların tədarükünü, eləcə də pilotsuz uçuş aparatları və raket hücumundan müdafiə sahəsində aparılan bütün işləri artıq sürətləndirib.

"Yaxın günlərdə lisenziyalaşdırma prosedurunun sürətləndirilməsi və bəzi silah sistemlərimizin Ukrayna ərazisində üçüncü tərəflər tərəfindən daha tez istehsalına icazələrin alınması, həmçinin yeni layihələr üzərində birgə işləməyə hazırlıq məsələlərinə həsr olunmuş görüşlər də keçiriləcək", – deyə o bildirib.

Oxşar xəbərlər

Hava Hücumundan Müdafiə bölmələri üçün 20-yə yaxın yeni hərbi obyekt istifadəyə verilib

İlham Əliyev Pirallahı Sənaye Parkında dərman istehsalı müəssisəsinin açılışında iştirak edib

Rusiyanın PUA hücumundan sonra Kiyev

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Tuapsedə PUA hücumundan sonra "qara yağış" canlılara ZƏRƏR VURUB