Almaniyanın Bavariya əyalətində 16 yaşlı qız göldə üzərkən təxminən yarım kiloqram ağırlığında qızıl külçə tapıb. Onun dəyəri 18 min 500 dollar civarında qiymətləndirilib.

BAKU.WS xəbər verir ki, hadisə 2015-ci il avqustun 7-də Keniqsze gölündə baş verib. Ailəsi ilə istirahətdə olan yeniyetmə suyun təxminən iki metr dərinliyində parıldayan əşya görüb. Onun qızıl külçə olduğunu anlayan qız tapıntını polisə təhvil verib.

Hüquq-mühafizə orqanları külçənin üzərindəki silinmiş seriya nömrəsini bərpa etsələr də, onun sahibini müəyyənləşdirə bilməyiblər. Araşdırma zamanı qızılın hər hansı cinayətlə əlaqəsi də aşkarlanmayıb.

Altı ay ərzində külçəyə sahib çıxan olmadığından, 2016-cı ildə onun mülkiyyəti tapıntını aşkar edən qıza verilib.

Qızılın gölə necə düşdüyü isə indiyədək məlum deyil. Hadisə 10 ildən çox əvvəl baş versə də, xarici mediada yenidən gündəmə gəlib.

Oxşar xəbərlər

"Qarabağ" UEFA Konfrans Liqasında mübarizəni dayandırıb, 12 illik seriya qırılıb - YENİLƏNİB-8

Balıkesirdəki zəlzələ zamanı 25 bina zərər görüb

Azərbaycanın ilk beynəlxalq kardiologiya jurnalı – Journal of Heart Disease and Therapy – 3-cü nömrəsini təqdim edilib

Lökbatandakı yanğına helikopterlər indiyədək 200 ton su töküb - YENİLƏNİB-4

Bizon lotereyasında daha 4 avtomobil sahibini tapıb