Şimali Koreyanın Rusiyadakı səfiri Sin Hon Çxol Moskva ilə Pxenyan arasındakı münasibətlərin görünməmiş səviyyəyə çatdığını bildirib.

BAKU.WS xəbər verir ki, diplomat bu barədə iki ölkə arasında diplomatik münasibətlərin qurulmasının 78-ci ildönümü münasibətilə Moskvada keçirilən qəbulda danışıb.

Səfirin sözlərinə görə, Şimali Koreya lideri Kim Çen Inla Rusiya Prezidenti Vladimir Putin arasında formalaşan səmimi münasibətlər ikitərəfli əlaqələrin inkişafına mühüm təsir göstərib.

O qeyd edib ki, 2024-cü ildə iki ölkə liderinin görüşü münasibətləri hərtərəfli strateji tərəfdaşlıq səviyyəsinə yüksəldib və tərəflər arasında "məğlubedilməz döyüş yoldaşlığı" formalaşdırıb.

Xatırladaq ki, Şimali Koreya Xarici İşlər nazirinin müavini Kim Conq Gyu da daha əvvəl Pxenyanın Moskva ilə dostluq və əməkdaşlıq əlaqələrini hərtərəfli inkişaf etdirmək niyyətində olduğunu açıqlamışdı.

Oxşar xəbərlər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Hon Konqda binada baş verən yanğında 44 sakin ölüb, 279-nun taleyi bəlli deyil

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib