Gürcüstanın Marneuli bələdiyyəsində (azərbaycanlıların kompakt yaşadığı rayon - red.) ailə üzvlərini nikaha məcbur etmək və məişət zorakılığı ittihamları ilə üç nəfər saxlanılıb.

"Far.Az"un Gürcüstan bürosu xəbər verir ki, bu barədə ölkənin Daxili İşlər Nazirliyi məlumat yayıb.

Bildirilib ki, Kvemo Kartli Polis İdarəsinin Marneuli Rayon Bölməsinin əməkdaşları iki ayrı cinayət işi üzrə əməliyyat keçiriblər.

İstintaqın versiyasına görə, saxlanılan şəxslər cinslər arasında bərabərliyə qarşı dözümsüzlük zəminində, yetkinlik yaşına çatmayanlar da daxil olmaqla, öz övladlarını yaşadıqları kənddən olan kişilərlə iradələri xaricində nikaha daxil olmağa məcbur ediblər.

Əməliyyat tədbirləri və istintaq hərəkətləri nəticəsində hər üç şübhəli saxlanılıb.

Faktla bağlı Gürcüstan Cinayət Məcəlləsinin 11, 150 və 126-cı maddələri üzrə istintaq aparılır. Həmin maddələr dörd ilədək azadlıqdan məhrumetmə cəzasını nəzərdə tutur.

Oxşar xəbərlər

Ermənistanda azərbaycanlıların yaşadığı Güllübulaq kəndinin tarixi araşdırılıb

Kəlbəcərdə 855 ailənin köçürüləcəyi kənddən GÖRÜNTÜLƏR

Marneulidə Heydər Əliyevin anadan olmasının 103-cü ildönümü ilə bağlı anım tədbiri keçirilib

Xankəndidə "Kənddən Şəhərə" Novruz yarmarkası keçirilir

Ermənistan vətəndaşlarının məhkəməsində hökm elan olunub - YENİLƏNİB