Azərbaycana səfər edən yunanıstanlı turist Kostulas Stavros Şəkinin tarixi abidələrindən, memarlığından, milli mətbəxindən və yerli sakinlərin qonaqpərvərliyindən məmnun qalıb.

BAKU.WS-ə açıqlama verən turist bildirib ki, son iki gündə Şəkidə olduqlarını və şəhərin qədim tarixi ilə yaxından tanış olmaq imkanı qazandıqlarını bildirib.

K.Stavrosun sözlərinə görə, İpək Yolu üzərində yerləşən Şəki tarixən mühüm ticarət mərkəzlərindən biri olub. Vaxtilə şəhərdən keçən karvanlarla ipək, qızıl və digər məhsullar daşınıb.

Yunanıstanlı turist Şəki Xan Sarayının memarlığının onları heyran etdiyini vurğulayıb. O, səfər çərçivəsində Karvansarayı da ziyarət etməyi planlaşdırdıqlarını qeyd edib.

K.Stavros şəhərin daş tikililərdən ibarət memarlıq üslubunu və yerli sakinlərin mehribanlığını da xüsusi vurğulayıb. Onun sözlərinə görə, Şəkidə gördükləri diqqət və qonaqpərvərlik səfərlərini daha yaddaqalan edib.

Turist yerli mətbəxin də onların xoşuna gəldiyini bildirib. O, Şəkidə Azərbaycan mətbəxi başda olmaqla müxtəlif mətbəxlərin ləziz nümunələrini dadmaq fürsəti əldə etdiklərini söyləyib.

Oxşar xəbərlər

Turistləri heyran qoyan DİYAR: Alov, neft və palçığın qovuşduğu məkandan FOTOREPORTAJ

Leyla Əliyeva və Arzu Əliyeva Şəkidə tarixi-memarlıq abidələrinin bərpadan sonra açılışında iştirak ediblər

Şəki Xan Sarayının yerləşdiyi ərazidə məskunlaşma tarixinin daha qədim olduğu ortaya çıxıb

Prezident İlham Əliyev "AZWOOL" mineral daş yunu zavodunun açılışında iştirak edib

Leyla Əliyeva və Alyona Əliyeva Qubada internat tipli ümumtəhsil məktəbini və STEAM mərkəzini ziyarət ediblər