"İxrac və daxili daşıma dəstəyi məbləğlərinin ödənilməsi zamanı qeyri-neft-qaz mallarının Azərbaycan Respublikası mənşəli olmasının müəyyən edilməsi Qaydası" təsdiq edilib.

Far.Az xəbər verir ki, bununla bağlı Baş nazir Əli Əsədov qərar imzalayıb.

Qərar 2026-cı il sentyabrın 1-dən tətbiq edilir. Sənəd 2036-cı il sentyabrın 30-dək həyata keçiriləcək ixrac və daxili daşımalara şamil olunur və 2036-cı il dekabrın 31-dək qüvvədə olacaq.

Qərara əsasən, daxili daşıma dəstəyi məbləği ödənilərkən qeyri-neft-qaz mallarının azərbaycanmənşəli olması satıcının (malgöndərənin) müraciəti əsasında müəyyən ediləcək.

Bunun üçün Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinin tabeliyində fəaliyyət göstərən "İstehlak Mallarının Ekspertizası Mərkəzi" MMC tərəfindən verilən və malların Azərbaycan mənşəli olduğunu təsdiqləyən mənşə rəyi əsas götürüləcək.

Oxşar xəbərlər

Malın mənşə ölkəsini təsdiq edən sertifikatın verilmə qaydası AÇIQLANDI

Azərbaycan gömrükçüləri "Uşaq oyuncaqları" yükündən bəyan olunmayan mallar aşkarladı

Şahin Bağırov: "Azərbaycanın gömrük sistemi elə bir səviyyəyə çatıb ki, təcrübəsini digər dövlətlərə təqdim edir" – MÜSAHİBƏ

Elnur Bağırov: "Azərbaycanda keyfiyyət infrastrukturu sistemli inkişaf mərhələsinə keçib" - MÜSAHİBƏ

Şahin Bağırov: "Azərbaycanın gömrük sistemi elə bir səviyyəyə çatıb ki, təcrübəsini digər dövlətlərə təqdim edir"