Gürcüstanın xarici işlər naziri Maka Boçorişvili qazaxıstanlı həmkarı Muxtar Tleuberdi ilə Batumidə strateji tərəfdaşlığın möhkəmləndirilməsini və ikitərəfli əməkdaşlığın genişləndirilməsini müzakirə edib.

"Report" xəbər verir ki, Boçorişvili bu barədə "X" sosial şəbəkəsindəki səhifəsində yazıb.

"Qazaxıstanın xarici işlər nazirini Batumidə salamlamaqdan məmnunam. Biz strateji tərəfdaşlığımızın möhkəmləndirilməsi, ikitərəfli əməkdaşlığın dərinləşdirilməsi və Gürcüstanla Qazaxıstan arasında sıx əlaqələrin daha da inkişaf etdirilməsi üçün yeni imkanların axtarılması barədə məhsuldar müzakirə apardıq", - Boçorişvili bildirib.

Qeyd edək ki, danışıqlar Batumidə Gürcüstan və Mərkəzi Asiya ölkələrinin XİN rəhbərlərinin çoxtərəfli görüşü çərçivəsində baş tutub.

Oxşar xəbərlər

Bakıda TDT Xəritəçəkmə Qurumları Rəhbərlərinin ikinci iclası keçirilib, bəyannamə qəbul edilib

İdmançılarımız Batumidə rinqə çıxacaqlar

İlham Əliyevin Gürcüstanın Baş naziri ilə görüşü olub

AQEM-in 7-ci Zirvə Görüşü keçirilib, İlham Əliyev tədbirdə çıxış edib - yenilənib-5

Bakıda D-8 ölkələrinin Gənclər Dialoqunun rəsmi açılış mərasimi keçirilib