Süni intellekt savadlılığı proqramı indiyədək 7 000-dən çox vətəndaşı əhatə edib.

"Report" xəbər verir ki, bunu ASAN İnnovativ İnkişaf Mərkəzinin rəhbəri Aysel Cəbrayılova qurumun fəaliyyətinin 5 illiyinə həsr olunmuş hesabat tədbiri çərçivəsində jurnalistlərə açıqlamasında deyib.

Onun sözlərinə görə, ASAN İnnovativ İnkişaf Mərkəzinin fəaliyyət göstərdiyi müddət ərzində 35 mindən çox vətəndaşı əhatə edən 150-dən çox mövzuda 850-dən artıq təlim, vorkşop və seminar təşkil olunub:

"Mərkəzin əsas fəaliyyət istiqamətlərindən biri zəngin "ASAN" xidmət təcrübəsi əsasında hazırlanmış yumşaq bacarıqların inkişafı üzrə təlimlərdir. Bu təlimlərə vətəndaş məmnuniyyətində ASAN modeli, emosiyaların və zamanın idarə olunması, ünsiyyət bacarıqları və digər mövzular daxildir".

Direktor həmçinin bildirib ki, son illərdə blokçeyn və süni intellekt savadlılığı üzrə xüsusi proqramların icrasına da başlanılıb:

"Süni intellekt savadlılığı proqramı indiyədək 7 000-dən çox vətəndaşı əhatə edib və 98 faiz vətəndaş məmnuniyyəti ilə davam edir. Blokçeyn istiqamətində iki ildir təlimlər təşkil olunur və bu müddət ərzində mindən çox işgüzar şəxs həmin təlimlərdən faydalanıb".

Oxşar xəbərlər

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

Vətən müharibəsində Qələbənin beşinci ildönümünə həsr olunmuş Hərbi parad keçirilib

Şəhid analarının iştirakı ilə Vətən müharibəsində Zəfərin 5 illiyinə həsr olunmuş tədbir keçirilib

Lökbatandakı yanğına helikopterlər indiyədək 150 ton su töküb - YENİLƏNİB-4

Prezident İlham Əliyev Milli Aviasiya Akademiyasında Beynəlxalq Təlim Mərkəzinin açılışında iştirak edib