ABŞ-nin "Nvidia" şirkətinin baş direktoru Censen Huanq Qazaxıstanı fiziki süni intellektin ("Physical AI") qlobal mərkəzinə çevirməyi təklif edib.

"Far.Az" Qazaxıstan Prezidentinin mətbuat xidmətinə istinadən xəbər verir ki, Huanq bu təşəbbüslə oktyabrın 23-də Astanada dövlət başçısı Kasım-Jomart Tokayevlə görüşündə çıxış edib.

Huanq Tokayevin Qazaxıstanı süni intellektin inkişafına və geniş tətbiqinə yönəlmiş dövlətə çevirmək kimi strateji məqsədini yüksək qiymətləndirib.

"Nvidia" rəhbəri vurğulayıb ki, bu sahədə uğur qazanmaq üçün elm, riyaziyyat və texnologiyalar sahəsində dərin biliklərə malik mütəxəssislər lazımdır. O həmçinin son bir ildə Qazaxıstan şirkətləri ilə əməkdaşlıqda əldə olunmuş tərəqqini qeyd edib.

"Biz Qazaxıstan şirkətləri, o cümlədən "Firebird AI KZ Ltd" və "Qazaxtelekom"la tərəfdaşlıq münasibətlərini inkişaf etdiririk, həmçinin qlobal texnoloji ekosistemin nəzərəçarpacaq iştirakçısına çevrilmiş ilk Qazaxıstan texnoloji "təkbuynuzlu"su olan "Higgsfield"i dəstəkləyirik. Mən birlikdə gördüyümüz işdən çox təsirlənmişəm və qürur duyuram", - Huanq bildirib.

Öz növbəsində, Tokayev "Nvidia" rəhbərinə Qazaxıstanda süni intellekt ekosisteminin inkişafına verdiyi töhfəyə görə təşəkkür edib.

Prezident ABŞ şirkətinin rəhbərinin səfərinin ikitərəfli tərəfdaşlığın gələcək inkişafına əhəmiyyətli təkan verəcəyinə əminliyini ifadə edib.

Oxşar xəbərlər

Nazir bu müəllimləri təltif edildi - ADLAR

İlham Əliyev Türküstanda TDT-nin qeyri-rəsmi Zirvə görüşündə iştirak edib

Şəhərlər üçün texnologiyalar: "Yango Group" Bakıda keçirilən WUF13 forumunda şəhər mühitinin inkişafına yönəlmiş həllər təqdim edib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3