Somalili dəniz quldurları göyərtəsində 23 nəfərin olduğu İranın "Azini" adlı balıqçı gəmisini ələ keçiriblər.

BAKU.WS xəbər verir ki, bu barədə Associated Press (AP) Hind okeanında Dəniz Təhlükəsizliyi Mərkəzinə (MSCIO) istinadən məlumat yayıb.

Məlumata görə, gəmi Somalinin şimal-şərq sahillərində, Bandar-Beyla və Hafun şəhərləri arasında hücuma məruz qalıb.

Puntlend muxtar bölgəsinin dəniz polisindəki mənbənin bildirdiyinə görə, gəminin göyərtəsində 21 İran vətəndaşı və iki somalili mühafizəçi olub. Hücumda ümumilikdə 12 quldurun iştirak etdiyi bildirilir.

Hazırda ekipaj üzvlərinin vəziyyəti ilə bağlı ətraflı məlumat yoxdur.

Qeyd edilib ki, ələ keçirilən gəmi ticarət gəmilərinə hücumlar üçün üzən baza kimi istifadə oluna bilər.

Avropa İttifaqının "Atalanta" hərbi-dəniz əməliyyatı insidentlə bağlı araşdırmaya başlayıb. Qurum bölgədə hərəkət edən gəmiləri ehtiyatlı olmağa və şübhəli fəaliyyətlər barədə məlumat verməyə çağırıb.

Bundan əvvəl isə Qətər sahillərində, Fars körfəzində bir tankerin atəşə tutulması barədə məlumat yayılmışdı.

Oxşar xəbərlər

Prezident İlham Əliyev Əfv Sərəncamı imzalayıb

FHN şagird və müəllimlərlə təlim keçirdi

Quldurlar 23 dənizçinin olduğu İran gəmisini ələ keçirib

Bakının mərkəzində QHT-lər milli baş örtüyü – kəlağayı ilə yürüş keçiriblər

FHN cəzaçəkmə müəsisəsində təlim keçirdi