Serbiyanın yeni hökuməti ölkənin Avropa İttifaqına qəbulunu dəstəkləyəcək, lakin Rusiyaya qarşı sanksiyalar tətbiq etməyəcək.

"Far.Az"un məlumatına görə, seçkilərdə qalib gələn "Tələbə siyahısı" hərəkatının liderlərindən biri Miryana Nikoliç bunu "Le Figaro"ya müsahibəsində bildirib.

"Bu, (Aİ-yə qəbul - red.) strateji məqsəd olaraq qalır. Demək olar ki, bütün qonşularımız Aİ üzvləridir. Geostrateji və geosiyasi baxımdan biz Avropadayıq", - Nikoliç qeyd edib.

Onun sözlərinə görə, gələcək hökumətin əsas vəzifələri daxili problemlərin həlli və korrupsiyaya qarşı mübarizə olacaq. Bununla yanaşı, hərəkatın Rusiya əleyhinə sanksiyalarla bağlı mövqeyi birmənalıdır: "Proqramın bu hissəsini hazırlayan tələbələr və həmkarlar Rusiyaya qarşı sanksiyalara qarşı olduqlarını tamamilə açıq şəkildə bildiriblər".

Serbiya Seçki Komissiyasının məlumatına görə, "Tələbə siyahısı" səslərin 53 %-ni, keçmiş prezident Aleksandar Vuçiçin koalisiyası isə 39 %-ni toplayıb. Hərəkat parlamentdəki 250 yerdən təxminən 140-nı qazana bilər və bu da ona müstəqil şəkildə hökumət qurmağa imkan verə bilər.

Belqraddakı İncəsənət Universitetinin rektoru və Assambleyanın seçilmiş üzvü Mirjana Nikoliç də universitet muxtariyyətini, akademik azadlığı və tələbə hüquqlarını qorumaqla məşğul olmaq niyyətindədir.

Oxşar xəbərlər

Milli Məclisə seçkilərdə lider namizədlərin adları açıqlanıb - YENİLƏNİB

VII çağırış Milli Məclisin deputatları - SİYAHI

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2