Polşanın Krakov şəhərinin mərkəzi bazar meydanında baş verən silahlı insident nəticəsində ölənlərin sayı beş nəfərə yüksəlib, 10-dan çox insan yaralanıb.

"Far.Az" xəbər verir ki, bu barədə Malopolska vilayətinin polisi yerli mediaya məlumat verib.

Polisin açıqlamasında bildirilir ki, hücum edən şəxs polis əməkdaşlarının açdığı atəş nəticəsində yaralanıb və hazırda xəstəxanaya aparılır.

Hadisə yerində təcili yardım və digər operativ xidmətlərin əməkdaşları fəaliyyətlərini davam etdirirlər.

20:09

Polşanın Krakov şəhərinin əsas bazar meydanında baş verən atışma nəticəsində iki nəfər ölüb, iki polis əməkdaşı da daxil olmaqla 10 nəfər yaralanıb.

"Far.Az" xəbər verir ki, bu barədə RMF24 məlumat yayıb.

Qeyd olunub ki, hadisə axşam saatlarına yaxın baş verib. Naməlum şəxs avtomobillə şəhərin əsas bazar meydanı istiqamətində hərəkət edərkən yoldan keçən insanlara nizamsız şəkildə atəş açmağa başlayıb.

Hadisə yerində xilasetmə əməliyyatı aparılır. Əraziyə tibbi helikopter də cəlb olunub. Atışma nəticəsində mağazalardan birinə və tramvaya da ziyan dəyib.

Polşanın Baş naziri Donald Tusk hadisəyə münasibət bildirib. O, "X" sosial şəbəkəsində daxili işlər nazirinin Krakovdakı vəziyyətlə bağlı onu məlumatlandırdığını qeyd edib.

"Daxili işlər naziri faciəvi atışmadan sonra Krakovdakı vəziyyət barədə məni məlumatlandırır. Polis hücumun bütün hallarını araşdırır", – Tusk yazıb.

Oxşar xəbərlər

"Fəvvarələr meydanı"nda TƏLİM - Yanğınsöndürən maşınlar sərbəst hərəkət edə bilmədi

FHN nizamsız park edilən maşınlara görə Bakıda "yanğın olan ərazi"yə girə bilmədi

Şəhidlər xiyabanına xalq ziyarəti axşam saatlarında da davam edir

Bakı şəhərinin sevilən Qış nağılı yenidən Fəvvarələr meydanında!

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3