ABŞ ordusu Ukraynanın dron təcrübəsindən yararlanır
ABŞ ordusu pilotsuz uçuş aparatlarının uçuş məsafəsini artırmağa imkan verən retranslyator dronlardan istifadə sahəsində Ukraynanın təcrübəsini öyrənir.
"Far.Az" xəbər verir ki, bu barədə "Business Insider" nəşri məlumat yayıb.
Ukrayna hərbçiləri döyüş tapşırığı yerinə yetirən pilotsuz uçuş aparatı ilə operator arasında əlaqəni təmin etmək üçün retranslyator dronlardan istifadə edirlər. Nəşrin yazdığına görə, bu qurğuların iş prinsipi Wi-Fi gücləndiricilərinə bənzəyir.
Adətən kiçik kvadrokopterlərdən ibarət olan belə dronlar yerüstü antenalardan daha yüksəyə qalxaraq siqnalı daha uzaq məsafəyə ötürür. Bunun sayəsində digər pilotsuz uçuş aparatları operatordan daha uzağa gedərək uçuş məsafəsini artıra bilir.
Bu təcrübənin öyrənilməsi məqsədilə 50-yə yaxın ukraynalı hərbçi ABŞ ordusunun mütəmadi keçirdiyi "Combined Resolve" təlimlərində iştirak edib. Bu dəfə genişmiqyaslı manevrlər Münhenin şimalında, Bavariyada yerləşən Birgə Çoxmillətli Hazırlıq Mərkəzində (Joint Multinational Readiness Center) keçirilib.
Müxtəlif iqlim şəraitinə malik poliqonlarda aparılan təlimlər zamanı hərbçilər müəyyən ediblər ki, yüksək temperatur, rütubət, külək, yağış, soyuq və digər hava amilləri pilotsuz uçuş aparatlarının fəaliyyətinə mənfi təsir göstərə bilər.
Briqada generalı Terri Tillisin sözlərinə görə, Ukraynanın "Combined Resolve" təlimlərinin müxtəlif mərhələlərində iştirakı ABŞ ordusuna pilotsuz uçuş aparatlarından istifadə taktikasını təkmilləşdirməyə kömək edib.
Oxşar xəbərlər
Əmək və Sosial Münasibətlər Akademiyasında COP29-a həsr edilən elmi nəşrin təqdimatı olub
İlham Əliyevin İranın Azərbaycana dron hücumuna dair mövqeyi dünya mediasının diqqət mərkəzindədir
Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3
Fərqli inanclar, eyni həyat: cəmi bir azərbaycanlı ailənin yaşadığı Gürcüstanın çoxmillətli kəndindən REPORTAJ
Azərbaycanın pilotları çətin döyüş manevrləri üzrə tapşırıqlar yerinə yetiriblər
Ən son xəbərləri bizim
"Facebook" səhifəmizdə izləyin
Digər xəbərlər
-
Bəhrəmtəpə hidroqovşağında təmirə görə İmişlidə suarma kanallarına suyun verilməsi dayandırılacaq
-
"Bitly" "X"də kiber hücumun fəsadlarını aradan qaldırmağa çalışır
-
Ağstafada sursat partlayışı nəticəsində xəsarət alan şəxsin durumu açıqlanıb
-
Sabah Bakıda bu ərazilərdə su olmayacaq
-
ABŞ HDQ-nin üçüncü təyyarədaşıyan gəmisi Yaxın Şərqə gəlib
-
Estoniya dekabrın 1-dən Rusiya ilə sərhədlərini bağlayacaq













