Roma Papası gözünə təsbeh atılan şəxsi bağışladığını zarafatla bildirib
Far.Az xəbər saytı

Roma Papası gözünə təsbeh atılan şəxsi bağışladığını zarafatla bildirib


Roma Papası XIV Leo Perunun paytaxtı Limada keçirilən dini mərasim zamanı ona təsbeh atan şəxsi bağışladığını zarafatla söyləyib. Pontifik hadisəni həmin şəxsin dərin dini inancının ifadəsi kimi qiymətləndirib.

Far.Az xəbər verir ki, bu barədə "Associated Press" agentliyi məlumat yayıb.

XIV Leo bildirib ki, peruvalıların, o cümlədən ona təsbeh atan şəxsin xüsusiyyəti dərin inanca sahib olmalarıdır. O, həmin şəxsin böyük imanla təsbehi ona təqdim etmək istədiyini deyərək hadisəyə yumorla yanaşıb.

Hadisə noyabrın 16-da Peruda Roma Papasının iştirakı ilə keçirilən dini mərasimdən sonra baş verib. Pontifik avtomobillə toplaşan zəvvarların qarşısından keçərkən onlardan biri ona təsbeh atıb. Təsbeh Papanın gözünə dəyib.

Qeyd edək ki, katolik inanclılar arasında Roma Papasına müxtəlif əşyalar atmaq ənənəsi mövcuddur. Məqsəd həmin əşyaların pontifik tərəfindən xeyir-dua alması və sonradan sahiblərinə qaytarılmasıdır.

XIV Leo noyabrın 6-da Uruqvay, Argentina və Peruya 12 günlük apostol səfərinə başlayıb. Bu, onun keçirdiyi əməliyyatdan sonrakı ilk xarici səfəridir. Məlumata görə, 71 yaşlı pontifik oktyabrın 13-də şiş səbəbindən sağ ağciyərinin bir hissəsinin çıxarılması əməliyyatı keçirib.

Oxşar xəbərlər

Birinci vitse-prezident Mehriban Əliyeva Roma Papası XIV Leo ilə görüşüb
Məşhurlardan 29 Oktyabr – Cümhuriyyət bayramı PAYLAŞIMLARI
Romada Leyla Əliyeva ilə Müqəddəs Arxeologiya üzrə Pontifik Komissiyasının katibinin görüşü olub
İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib
Allahşükür Paşazadə Roma Papası ilə görüşüb

Ən son xəbərləri bizim

"Facebook" səhifəmizdə izləyin

Digər xəbərlər