Bakıdakı körpələr evində istilik problemi: "Qaz sayğacını söküb aparıblar"
Far.Az xəbər saytı

Bakıdakı körpələr evində istilik problemi: "Qaz sayğacını söküb aparıblar"


Bakıda fəaliyyət göstərən 96 saylı körpələr evi-uşaq bağçasında istilik təminatı ilə bağlı problem yaranıb.

Far.Az xəbər verir ki, bu barədə Oxu.Az-ın qaynar xəttinə (+994 55 224-12-12) müraciət daxil olub.

Şikayətçi valideynin sözlərinə görə, bağçada istilik sistemi işləmir. Havaların soyumasına baxmayaraq, müəssisədə normal şərait yaradılmadığından uşaqların soyuq otaqlarda qalması, mövcud durumun azyaşlıların sağlamlığına mənfi təsir göstərəcəyi narahatlıq doğurur.

Bağça rəhbərliyinin verdiyi məlumata görə, istiliyin verilməməsinin səbəbi qaz sayğacının olmamasıdır. Bildirilib ki, sayğacı "Azəriqaz" İstehsalat Birliyinin əməkdaşları sökərək aparıblar.

"Azəriqaz"-dan bildirildi ki, məsələdən xəbərdardırlar.

"Prosedur qaydalarına uyğun olaraq işlər görülür. Yaxın zamanda sayğac bərpa olunacaq", - deyə məlumatda bildirilir.

Oxşar xəbərlər

Bu gündən avtobus və metroda gedişhaqqı 60 qəpik oldu
Bakının Nəsimi rayonunda yeni körpələr evi-uşaq bağçası istifadəyə verilib
Gələcəyə ümidlə baxan uşaqların sağlamlıq arzusu burada gerçəkləşə bilər
Bakıdakı hərbi paraddan maraqlı FOTOLAR
32 saylı bağçada uşaqlara iylənmiş ətdən yemək bişirilir? - RƏSMİ CAVAB

Ən son xəbərləri bizim

"Facebook" səhifəmizdə izləyin

Digər xəbərlər