Braziliyada güclü fırtına nəticəsində azı 3 nəfər ölüb
Braziliyanın cənubundakı Riu-Qrandi-du-Sul ştatının Tupansiretan şəhərində baş verən güclü fırtına nəticəsində azı üç nəfər ölüb.
"Report" xəbər verir ki, bu barədə "G1" portalı yerli hakimiyyət orqanlarına istinadən məlumat yayıb.
Şəhər meri Qustavu Terranın sözlərinə görə, təbii fəlakət nəticəsində yaşayış məntəqəsindəki 8,6 min binadan təxminən 8 mini dağılıb və ya zərər görüb. Şəhərdə 20 mindən çox insan yaşayır.
Fırtına ticarət və sənaye müəssisələrinə, kənd təsərrüfatı sahələrinə və taxıl anbarlarına da ciddi ziyan vurub. Şəhərdə elektrik və su təchizatı tamamilə dayanıb, rabitədə də fasilələr yaranıb.
Regional Mülki Müdafiə Xidmətinin məlumatına görə, xəsarət alanların dəqiq sayı hələ müəyyənləşdirilir. Şəhərdəki yeganə xəstəxananın damı və diaqnostika avadanlıqları yararsız hala düşdüyündən zərərçəkənlər qonşu yaşayış məntəqələrinə təxliyə olunur.
Braziliya Milli Meteorologiya İnstitutunun məlumatına görə, fırtına zamanı küləyin sürəti saatda 114 kilometrə çatıb.
Şəhərin küçələri dolu, aşmış ağaclar, elektrik dirəkləri və dağılan binaların qalıqları ilə örtülüb.
Oxşar xəbərlər
Balıkesirdəki zəlzələ zamanı 25 bina zərər görüb
Prezident İlham Əliyevin sədrliyi ilə kənd təsərrüfatı məsələlərinə həsr olunmuş müşavirə keçirilib
Braziliya, Polşa, Çin, Nepal, Hindistan, BƏƏ, Fransa və Tunis vətəndaşları Azərbaycana təxliyə olunub
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Ən son xəbərləri bizim
"Facebook" səhifəmizdə izləyin
Digər xəbərlər
-
Livanda "Hizbullah"ın beş üzvü dövlət təhlükəsizliyinə təhdiddə ittiham olunub
-
Qızılın qiyməti ötən ilin sentyabrından sonra ilk dəfə 3 650 dollardan aşağı düşüb
-
"Anthropic"in səhmləri "Nasdaq"da ticarətin ilk günündə 17 % artıb
-
Uitkoff Berlində Avropa liderləri ilə görüşü məhsuldar adlandırıb
-
Əməkdar artist: Canlandırdığım obrazın daxili dünyasını daha dərindən anlamağa çalışdım
-
Braziliya Prezidenti beşgünlük iş həftəsinə keçidlə bağlı fərmanı imzalayıb













