Litva Rusiyanın Kalininqrad vilayətindəki dron insidentinə aidiyyəti olduğunu rədd edib
Far.Az xəbər saytı

Litva Rusiyanın Kalininqrad vilayətindəki dron insidentinə aidiyyəti olduğunu rədd edib


Litva əvvəllər sərhəd istiqamətindən "şübhəli obyekt"in müşahidə edildiyi Kalininqrad vilayətindəki insidentə aidiyyəti olması barədə məlumatları təkzib edib.

"Far.Az" xəbər verir ki, bu barədə "X" sosial şəbəkəsində ölkənin xarici işlər naziri Kestutis Budris yazıb.

"Litva Xarici İşlər Nazirliyi ölkənin Rusiyanın Kalininqrad vilayətinə dron zərbəsində ehtimal olunan iştirakı ilə bağlı sosial şəbəkələrdə yayılan yalan iddiaları qətiyyətlə rədd edir.

Litva Respublikası hazırkı hadisə də daxil olmaqla, Rusiya ərazisindəki hədəflərə zərbələr endirmək üçün öz hava məkanından istifadəyə heç vaxt icazə verməyib", - bəyanatda bildirilib.

Qeyd edək ki, noyabrın 21-i axşam saatlarında Kalininqrad vilayətində həyəcan siqnalı işə düşüb. Qubernator Aleksey Besprozvannıx bildirib ki, Neman rayonunda "Pilotsuz aparat təhlükəsi" xəbərdarlıq sistemi Litva tərəfindən olan şübhəli obyektə reaksiya verib. Onun sözlərinə görə, mütəxəssislər zəruri yoxlamalar aparıb və heç bir təhlükə olmadığını müəyyən ediblər.

Daha sonra Ukrayna resursları məlumat yayıb ki, Rusiya-Ukrayna müharibəsi başlayandan bəri ilk dəfə olaraq dronlar Kalininqrad vilayəti ərazisindəki hərbi obyektlərə hücum edib.

Oxşar xəbərlər

Şəhidlər xiyabanına xalq ziyarəti axşam saatlarında da davam edir
"Yalama" sərhəd komendantlığı xidməti istifadəyə verilib
İlham Əliyevin İranın Azərbaycana dron hücumuna dair mövqeyi dünya mediasının diqqət mərkəzindədir
Azərbaycan Sərhəd Mühafizəsinin yaranmasından 105 il ötür
Azərbaycan Sərhəd Mühafizəsinin yaranmasından 106 il ötür

Ən son xəbərləri bizim

"Facebook" səhifəmizdə izləyin

Digər xəbərlər