Türkiyənin "Haber Global" telekanalının əməkdaşı Məhərrəm Can Kurtuluş İstanbulda silahlı hücumda öldürülüb.

"Far.Az" "Haber Global"a istinadən xəbər verir ki, telekanalın 27 yaşlı əməkdaşına hücumda şübhəli bilinən 4 nəfər saxlanılıb.

Məlumata görə, Məhərrəm Can Kurtuluş öz avtomobilini İstanbulun Beylikdüzü rayonundakı dayanacaqda saxlayıb. O, dayanacaqda dörd nəfərin məmurlarla mübahisə etdiyini görüb və tərəfləri sakitləşdirməyə çalışıb. Onlar sakitləşməyərək Kurtuluşla mübahisə etməyə başlayıblar. Ətrafdakıların müdaxiləsi ilə tərəfləri ayırıblar.

Sonradan dostu ilə kafedən çıxan Məhərrəm Can Kurtuluş avtomobilinə minərkən mübahisə etdiyi dörd şübhəli onun qarşısını kəsib. "Haber Global"in əməkdaşı güllələnib, şübhəlilər isə hadisə yerindən qaçıblar. Ağır yaralanan Kurtuluş aparıldığı xəstəxanada dünyasını dəyişib.

Polisin məlumatına görə, şübhəlilərin qaldıqları ünvanlarda aparılan axtarışlar zamanı 1 ədəd sənədsiz tapança, 4 tərəzi və 1 kq 200 qram narkotik vasitə götürülüb.

Oxşar xəbərlər

Bakıda COP29-un Liderlər Sammitinin açılış mərasimi keçirilib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

“Haber Global” COP29-da: Türkiyə iqlim gündəmini müəyyən edir və fəaliyyətə çağırır

Yaxşılıq etdi, canından oldu

Qəzzadakı döyüşdə yaralanan İsrail əsgəri dörd ay sonra dünyasını dəyişib