Qara dənizdə "Qafqaz" limanı yaxınlığında mazut daşıyan üçüncü tanker fəlakət siqnalı verib.

“Far.Az” xəbər verir ki, bu barədə Rusiya KİV-ləri regionun fövqəladə xidmətlərinə istinadən məlumat yayıb.

"Mazut daşıyan "Volqoneft-109" tankeri göyərtəsində çatın əmələ gəlməsi səbəbindən Qara dənizdəki "Qafqaz" limanı ərazisində fəlakət siqnalı verib", - məlumatda qeyd olunur.

Bildirilir ki, fəlakət siqnalı verən gəminin korpusunun hermetikliyi pozulmayıb, dənizə sızıntı olmayıb. Heyət təhlükədə deyil.

Xatırladaq ki, dekabrın 15-də Kerç boğazında Rusiyaya məxsus iki tanker - "Volqoneft 212" və "Volqoneft 239" qəzaya uğrayıb. Fırtına zamanı zədələnən "Volqoneft 212" gəmisi saya oturub, "Volqoneft 239" isə dreyf edib. Hər iki tankerin göyərtəsində ümumilikdə 27 nəfər olub, onlardan 26-sı xilas edilib, bir nəfər isə ölüb.

Oxşar xəbərlər

İki tankerin qəzaya uğraması nəticəsində Qara dənizdə neft sızması baş verib – YENİLƏNİB

Kerç boğazında Rusiyanın tankeri batmaq üzrədir

Göyərtəsində 14 azərbaycanlının olduğu gəmi Don çayında saya oturub

Azərbaycan və Türkiyədən 13 nəfərin olduğu gəmi fəlakətə uğrayıb

Mehriban Əliyevanın doğum günüdür