

Azərbaycanın xarici borcunun strukturu açıqlanıb
1 iyul 2024-cü il tarixi vəziyyətinə xarici dövlət borcu 5.361,3 milyon ABŞ dolları və ya 2024- cü il üzrə 121.342,5 milyon manat (71.377,9 milyon ABŞ dolları) məbləğində proqnozlaşdırılan ÜDM-in 7,5 faizini təşkil edib.
Bu barədə “Far.Az-Economics” Maliyyə Nazirliyinə istinadən xəbər verir.
Qeyd edilib ki, 2024-cü ilin 1 iyul tarixinə xarici dövlət borcu ilin əvvəli ilə müqayisədə mütləq ifadədə 1.099,9 milyon ABŞ dolları və ya 17 faiz azalmışdır. Bunun da əsas səbəbi imzalanmış kredit sazişləri çərçivəsində 2024- cü ilin ilk altı ayı ərzində xarici dövlət borcu üzrə vaxtı çatmış əsas borc ödənişlərinin, o cümlədən beynəlxalq maliyyə bazarlarında 2014-cü ildə yerləşdirilmiş istiqrazlar (avrobond) üzrə 900,0 milyon ABŞ dolları məbləğində ödənişlərin həyata keçirilməsi olub. 2024-cü ilin 1 iyul tarixinə xarici dövlət borcunun ÜDM-ə nisbəti ilin əvvəli ilə müqayisədə 1,4 faiz bəndi azalıb.
Bildirilib ki, 1 iyul 2024-cü il tarixinə xarici dövlət borcunun valyuta tərkibi ABŞ dolları – 86,8 faiz, avro – 6,0 faiz, XBH (Beynəlxalq Valyuta Fondunun Xüsusi Borcalma Hüquqları) – 3,6 faiz, yapon yeni – 3 faiz, digər valyutalar – 0,6 faiz olub.
2024-cü ilin 1 iyul tarixinə xarici dövlət borc portfelinin 35,0%-i Asiya İnkişaf Bankının, 25,9%-i avrobondların, 16,7%-i Dünya Bankının, 22,4%-i isə digər kreditorlardan cəlb edilmiş öhdəliklərin payına düşür.
2024-cü ilin 1 iyul tarixinə xarici dövlət borcu üzrə ümumilikdə 1.141,4 milyon ABŞ dolları məbləğində əsas borc (o cümlədən 900,0 milyon ABŞ dolları məbləğində avrobondlar), 147,2 milyon ABŞ dolları məbləğində isə faiz borcu ödənişləri həyata keçirilmişdir. Əsas borc ödənişlərinin 641,4 milyon ABŞ dolları məbləğində hissəsi (1.090,3 milyon manat ekvivalentində) daxili bazarda dövlət istiqrazlarının yerləşdirilməsindən əldə olunan vəsait hesabına yenidən maliyyələşdirilib.
Oxşar xəbərlər
Allahverdi Əsədov: Qarabağ müharibəsindən çəkdiyim kasetlər məhv olmaq üzrədir, yiyə duran yoxdur - MÜSAHİBƏ
Azad edilmiş ərazilərin bərpası: xarabalıqdan dirçəlişə doğru - Təhlil
Azərbaycanın daxili dövlət borcu 705,5 mln. manat artıb
Pensiyaçı kimi qeydiyyatda olanların sayı açıqlanıb
Bakıda Boneyra adasının müqəddəratının təyin edilməsi ilə bağlı konfrans keçirilib - FOTO
Ən son xəbərləri bizim
"Facebook" səhifəmizdə izləyin
Digər xəbərlər
-
Kartınızı heç kimə verməyin: pulunuzu itirə, cinayətin qurbanı ola bilərsiniz
-
Bakı məktəbində təhlükə - Ayaqyolunun tavanı qəzalı vəziyyətdədir
-
Xalq artistindən İDDİALI FOTOSESSİYA
-
Süd Yolunda qaranlıq maddədən yaranan sirli şüalanma aşkarlanıb
-
Amazon, Snapchat və Zoom daxil olmaqla bir çox saytda qlobal giriş problemi yaşanıb
-
"Qarabağ"ın üçüncü qələbəsi kluba nə qədər QAZANDIRACAQ?