Alman avtomobil şirkəti “Volkswagen” həmkarlar ittifaqı ilə istehsal güclərinin azaldılması barədə razılığa gəlib.

“Report” xəbər verir ki, bu barədə “Financial Times” məlumat yayıb.

Şirkətin istehsalat şurasının rəhbəri Daniela Kavalyonun sözlərinə görə, heç bir zavod bağlanmayacaq, heç kim işdən çıxarılmayacaq və daxili kollektiv müqavilə uzunmüddətli perspektivdə qorunub saxlanılacaq.

Məlumata görə, “Volkswagen” və həmkarlar ittifaqı razılaşıb ki, şirkətin Almaniyadakı beş zavodunda illik istehsal gücü 734 min vahid azaldılacaq və 2030-cu ilə qədər əməkdaşları işdən çıxarmadan 35 min iş yeri ixtisar ediləcək: konsern köhnə mütəxəssislər təqaüdə çıxdıqca yeni mütəxəssislərin işə qəbulunu dayandıracaq və təcrübəçilərin qəbulunu azaldacaq.

Xatırladaq ki, dekabrın əvvəlində Almaniyada “Volkswagen”in təxminən 70 min işçisi ölkədəki zavodların bağlanmasına qarşı tətil keçirib. Bu barədə Almaniyanın ən böyük həmkarlar ittifaqı olan “IG Metall” məlumat yayıb.

Tətillər “Volkswagen”in doqquz zavodunda keçirilib – hər iş növbəsində müəssisələrdə iş dörd saatlıq dayandırılıb. İşçilər istehsalçı ilə həmkarlar ittifaqı arasında növbəti danışıqlar raundunun fonunda etiraz aksiyalarına çıxıblar. “IG Metall” o zaman bildirmişdi ki, tərəflərin mövqelərinin yaxınlaşmasına hələ çox var.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Alim: Füzulinin qəbrini Azərbaycana gətirsək, ruhu narahat olar - MÜSAHİBƏ

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3

İlham Əliyev V “ADEX-2024” və “Securex Caspian” sərgiləri ilə tanış olub - YENİLƏNİB-2

“Volkswagen” Almaniyadakı zavodlarını bağlamağı nəzərdən keçirir