ABŞ Federal Təhqiqat Bürosu (FTB) axtarış zamanı bir şübhəli şəxsdən rekord sayda - 150 partlayıcı qurğu götürüb.

Bu barədə “Far.Az” “The Washington Post” qəzetinə istinadən xəbər verir.

Qeyd olunub ki, saxlanılan şəxs ABŞ prezidenti Co Baydenin portretindən də atəş hədəfi kimi istifadə edib.

Şübhəli Brad Spafford dekabrın 17-də Norfolk yaxınlığındakı fermasında tapançanı qeydiyyatdan keçirməməkdə ittiham edilərək həbs edilib. Nəşr edilmiş məhkəmə sənədlərinə görə, onun yataq otağındakı kürək çantasında və həmçinin fermadakı tövlədə evdə hazırlanmış partlayıcı qurğular tapılıb.

Bundan əlavə, FTB onun əlində partlayıcı materialların və heksametilen triperoksid diaminin istehsalına dair təlimatlar tapıb. Heksametilen triperoksid diamin sürtünmə və ya temperaturun dəyişməsi nəticəsində partlaya bilən olduqca qeyri-sabit maddədir.

FTB materiallarına görə, fermada tapılan partlayıcıların əksəriyyəti yerində məhv edilib, çünki materiallar çox qeyri-sabit olub, daşınma zamanı partlaya bilərmiş.

Oxşar xəbərlər

ABŞ-da azərbaycanlılara qarşı bomba hazırlamaqda ittiham olunan erməni saxlanılıb

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

Media standartlarından uzaq "Vaşinqton Post": İllər sonra təbliğat maşını kimi xatırlanacaq nəşr- TƏHLİL

Bakıda COP29-un Liderlər Sammitinin açılış mərasimi keçirilib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4