Azərbaycan səfiri Əfqanıstan naziri ilə ticarət mübadiləsinin artırılmasını müzakirə edib
Far.Az xəbər saytı

Azərbaycan səfiri Əfqanıstan naziri ilə ticarət mübadiləsinin artırılmasını müzakirə edib


Azərbaycanın Əfqanıstandakı səfiri İlham Məmmədov bu ölkənin sənaye və ticarət naziri vəzifəsini icra edən Nuruddin Əzizi ilə ticarət mübadiləsinin artırılmasını müzakirə edib.

“Far.Az” xəbər verir ki, bu barədə Sənaye və Ticarət Nazirliyinin mətbuat xidməti məlumat yayıb.

“Sənaye və ticarət naziri vəzifəsini icra edən Nuruddin Əzizi Azərbaycanın Kabildəkı səfiri İlham Məmmədovla görüşüb”, – mətbuat xidməti bildirib.

Qeyd olunub ki, görüş zamanı tərəflər ticarət mübadiləsinin artırılması, iki ölkənin məhsullarının birgə sərgilərinin keçirilməsi və Lapis Lazuli dəhlizinin aktiv saxlanılması məsələlərini müzakirə ediblər.

“Yekunda ticarət və iqtisadi əlaqələri gücləndirmək məqsədilə hər iki ölkənin ixrac mallarının siyahılarının paylaşılması, Əfqanıstanın məhsullarının Azərbaycanda sərgisinin keçirilməsi və əlavə koordinasiya və ünsiyyət üçün dörd nəfərlik komandanın təqdim edilməsi barədə razılıq əldə edilib”, – mətbuat xidməti vurğulayıb.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Şimaldan Cənuba, Qərbdən Şərqə uzanan yollar: Azərbaycanın nəqliyyat-logistika sahəsində uğurları
Şahin Mustafayev Özbəkistanın Baş naziri və Əfqanıstanın Baş naziri vəzifəsini icra edən şəxslə görüşüb
Azərbaycan və Əfqanıstan "Lapis Lazuri" marşrutu çərçivəsində əməkdaşlığı müzakirə edib
Bakıda COP29-un Liderlər Sammitinin açılış mərasimi keçirilib - YENİLƏNİB-2

Ən son xəbərləri bizim

"Facebook" səhifəmizdə izləyin

Digər xəbərlər