Almaniyanın Solingen şəhərində (Şimali Reyn-Vestfaliya) naməlum şəxsin şəhər festivalının qonaqlarına bıçaqla hücumu nəticəsində azı 3 nəfər ölüb, daha bir neçə şəxs yaralanıb.

Bu barədə “Far.Az” “Bild” qəzetinə istinadən xəbər verir.

Qeyd olunub ki, hadisə 21:45 (Bakı vaxtı ilə 23:45) radələrində baş verib. Hücum edən şəxs qaçmağa müvəffəq olub. Hazırda festivalın keçirildiyi ərazinin üzərində polis vertolyotu uçur və şübhəlinin axtarışı davam etdirilir.

Yerli “Solinger Tageblatt” qəzetinin məlumatına görə, təşkilatçılar həkimlərin 9 nəfərin həyatı üçün mübarizə apardıqlarını açıqlayıblar. Səlahiyyətlilər insanları şəhərin mərkəzinə getməməyə çağırıb.

Solingen cümə və həftəsonu şəhər hüquqlarının 650-ci ildönümünü qeyd edir. “Müxtəliflik festivalı” adlandırılan bayrama üç gün ərzində 80 min insanın qatılacağı gözlənilir.

Oxşar xəbərlər

Almaniyada festivalda bıçaqlı hücum olub, ölənlər var

"InvestAZ"dan dünya maliyyə bazarları ilə bağlı həftəlik analiz

Almaniyada festivalda yanğın nəticəsində 30 nəfər xəsarət alıb

KİV: NATO qərbdəki hava bazasında təhlükəsizlik tədbirlərini gücləndirib

Bakıda tələbə qətlə yetirildi - Amansız cinayətdən GÖRÜNTÜLƏR - FOTO