Bəzi rayonlarda yağıntılı hava şəraiti davam edir.

Bu barədə "Far.Az"a Milli Hidrometeorologiya Xidmətindən məlumat verilib.

Bildirilib ki, Zəngilan, Kəlbəcər, Füzuli, Laçın, Qrız, Qusar, Quba, Altıağac, Gədəbəy, Şamaxı, Tərtər, Xaltan, Qobustan, Şəki (Kişçay), Şahdağda arabir qar, Mingəçevir, Ağstafa, Yevlax, Göyçay, Zərdab, Beyləqan, İmişli, Kürdəmir, Sabirabad, Cəfərxan, Neftçala, Biləsuvar, Lənkəran, Astara, Tovuz, Balakən, Oğuz, İsmayıllı, Ceyrançöldə isə yağış yağır.

Şimal-qərb küləyi əsir. Sarı xəbərdarlığa uyğun olaraq küləyin sürəti arabir Bakıda və Abşeron yarımadasında 22 m/s, Şamaxıda 17 m/s, Hacıqabulda 16 m/s, Gəncə, Neftçalada 15 m/s, Şirvanda 14 m/s-yə çatıb.

Şəki (Kişçay), Qax (Sarıbaş), Daşkəsən, Göygöl, Qrız, Qusarda duman müşahidə olunur. Dumanda görünüş 500 metrədək məhdudlaşıb.

Havanın temperaturu Bakıda və Abşeron yarımadasında, eləcə də Aran rayonlarında 7, Naxçıvan MR-da 5 dərəcəyədək isti, dağlıq rayonlarda 4, yüksək dağlıq ərazilərdə isə 11 dərəcəyədək şaxta qeydə alınıb.

Oxşar xəbərlər

Vətən müharibəsinin başlamasından 4 il ötür

Bakıda külək güclənib, bəzi yerlərdə leysan yağır - YENİLƏNİB-2

Gədəbəy ərazisindən axan Şəmkirçaydan sel keçir - YENİLƏNİB

Bayram günlərində gözlənilən hava proqnozu açıqlanıb

Qax, Şəki, Xınalıq, Qusar, Qrız və Şahdağda qar yağır - FAKTİKİ HAVA- YENİLƏNİB