Bierknes İqlim Araşdırmaları Mərkəzinin norveçli mütəxəssisləri bildirib ki, Qrenlandiyanın buz təbəqəsi görünməmiş sürətlə kütləsini itirir. 1980-ci illərdən bəri artıq bir trilyon tondan çox buz əriyib və ərimə sürəti son on ildə altı dəfə artıb.

“Far.Az” xəbər verir ki, tədqiqat “The Chryoshere” elmi jurnalında dərc olunub.

Mütəxəssislər müəyyən ediblər ki, ildə təxminən 230 milyard ton buz itkisi dönüş nöqtəsi olacaq. Bu, qlobal orta temperaturun 3,4°C artmasına uyğundur. 2024-cü ildə planet Paris razılaşması ilə müəyyən edilmiş 1,5°C həddi artıq keçib.

Alimlər iqlim dəyişikliyinin buz təbəqəsinin kütlə balansına təsirini qiymətləndirmək üçün modelləşdirmədən istifadə ediblər. Buz təbəqəsinin qərb hissəsi öz vəziyyətini sabitləşdirə bildiyi üçün xüsusi rol oynayır. Lakin bu ərazinin sahilyanı ərazilərlə əlaqəsi kəsilərsə, buz kütləsinin 80%-dən çoxunun itirilməsi ilə nəticələnəcək.

Ərimiş buz təbəqələri təkcə dəniz səviyyəsinin qalxmasına səbəb olmur, həm də okeanların duzluluğunu dəyişir, dəniz ekosistemlərini və sahil icmalarını təhdid edir. Qrenlandiyanın buz təbəqəsinin tamamilə əriməsi dəniz səviyyəsinin yeddi metr yüksəlməsinə səbəb ola bilər.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Bakıda COP29-un Liderlər Sammitinin açılış mərasimi keçirilib - YENİLƏNİB-2

AIFC-nin idarəedici direktoru: “Azərbaycan "yaşıl maliyyələşmə" üzrə regional liderə çevrilə bilər” - MÜSAHİBƏ

Rusiyanın 2025-ci il büdcə kəsiri 10 milyard dolları keçəcək