Luizianada azot qazı ilə edam dayandırıldı
Far.Az xəbər saytı

Luizianada azot qazı ilə edam dayandırıldı


ABŞ-də federal hakim Luiziana ştatında gələn həftə azot qazı ilə həyata keçirilməsi planlaşdırılan edamın dayandırılması barədə qərar verib.

BAKU.WS trt haber-ə istinadən xəbər verir ki, ABŞ Region Məhkəməsinin hakimi Şelli Dik məhkum Cessi Hoffmanın 18 martda azot qazı ilə edam edilməsini qadağan edən müvəqqəti məhdudlaşdırıcı qərar çıxarıb.

Hakim qərarında azot qazı ilə oksigen çatışmazlığına (hipoksiya) səbəb olmağın ABŞ Konstitusiyasının Səkkizinci Düzəlişinə əsasən "qəddar və qeyri-adi cəza" olub-olmadığının araşdırılmalı olduğunu vurğulayıb.

Luiziana baş prokuroru Liz Murril isə qərardan dərhal apellyasiya şikayəti veriləcəyini açıqlayıb.

Bu, Luizianada son 15 ildə icra ediləcək ilk edam olacaqdı.

Hoffman fevral ayında məhkəməyə müraciət edərək edamının dayandırılmasını tələb etmişdi. Onun vəkilləri ötən həftə keçirilən məhkəmə iclasında azot qazı ilə edamın ABŞ Konstitusiyasına əsasən "qəddar" olduğunu bildiriblər.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Ali Məhkəmə məhkum tərəfindən vurulan ziyanın ödənilməsi ilə bağlı qərar qəbul edib
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Bakıda COP29-un Liderlər Sammitinin açılış mərasimi keçirilib - YENİLƏNİB-2
“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

Ən son xəbərləri bizim

"Facebook" səhifəmizdə izləyin

Digər xəbərlər