Hörmüz boğazında gərginlik artır: Bir həftədə 25 tanker hücuma məruz qalıb
Fars körfəzində hərbi qarşıdurmanın genişlənməsi Hörmüz boğazında gəmiçiliyə ciddi təsir göstərib. Son yeddi gün ərzində bölgədə azı 25 neft tankerinin hücuma məruz qaldığı bildirilir.
Far.Az xəbər verir ki, bu barədə "Al Jazeera" məlumat yayıb.
Məlumata əsasən, hadisələr ABŞ-nin İrana qarşı dəniz blokadasını və iqtisadi məhdudiyyətləri davam etdirdiyi dövrdə baş verir.
İran İslam İnqilabı Keşikçiləri Korpusu (SEPAH) Bəhreyndəki ABŞ hərbi obyektlərini raket və pilotsuz uçuş aparatları ilə hədəfə aldığını açıqlayıb. Tehran hücumlar zamanı iki "Patriot" hava hücumundan müdafiə sisteminin radarının sıradan çıxarıldığını iddia edib.
Bəhreyn rəsmiləri isə İranın zərbələri nəticəsində mülki sənaye müəssisəsində yanğın baş verdiyini təsdiqləyiblər.
İran tərəfi ABŞ-yə məxsus F-16 qırıcısını zədələdiyini də irəli sürüb. Lakin ABŞ Mərkəzi Komandanlığı bu iddianı rədd edib.
Böyük Britaniyanın Dəniz Ticarəti Əməliyyatları İdarəsinin (UKMTO) statistikasına görə, noyabrın 12-18-də boğazdan 263 gəmi keçib. Bu göstərici əvvəlki həftədən 15 faiz aşağıdır. Eyni dövrdə neft tankerlərinin sayı 52-dən 37-yə enib.
Ekspertlərin fikrincə, İran hərbi təzyiqi gücləndirməklə ABŞ-ni dəniz blokadasını dayandırmağa məcbur etməyə çalışır.
Quincy İnstitutunun vitse-prezidenti Trita Parsi xəbərdarlıq edib ki, Vaşinqtonun blokadanı davam etdirməsi regionda qarşıdurmanın daha da genişlənməsi təhlükəsini artırır.
ABŞ Prezidenti Donald Tramp isə İranla nüvə silahı əldə etməsini istisna edən uzunmüddətli razılaşma imzalamaq istədiyini bildirib.
Oxşar xəbərlər
İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib
İlham Əliyev Pirallahı Sənaye Parkında dərman istehsalı müəssisəsinin açılışında iştirak edib
Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3
Prezident İlham Əliyev Bakının İslam Səfərli küçəsinin yenidənqurmadan sonra açılışında iştirak edib
Amnistiya aktı məntəqə tipli cəzaçəkmə müəssisəsində icra olunub
Ən son xəbərləri bizim
"Facebook" səhifəmizdə izləyin
Digər xəbərlər
-
Ohayo ştatında baş verən atışmada bir neçə nəfər yaralanıb
-
Hindistanda saxta spirtli içkiyə görə mindən çox şəxs xəstəxanaya yerləşdirilib - Yenilənib
-
Türkiyədə baş verən zəncirvari qəzada bir nəfər ölüb, 10 nəfər xəsarət alıb
-
"Real Madrid" səfərdə "Selta" üzərində qələbə qazanıb
-
WSJ: ABŞ-nin daxili təhlükəsizlik nazirinə müsahibə vermək qadağan edilib
-
Virciniyada yarım əsrdən sonra ilk dəfə qızılca xəstəliyindən bir uşaq ölüb













