Bakıda sosial şəbəkədə başlayan eşq məhkəmədə bitdi: Vəzifəli şəxs də DİNDİRİLİB
Binəqədi bələdiyyəsinin sədrinin köməkçisi tanış olduğu qadına qarşı dələduzluq etməkdə təqsirləndirilir. İş üzrə bələdiyyənin hüquq şöbəsinin müdiri də dindirilib.
Far.Az Musavat.com-a istinadən xəbər verir ki, təqsirləndirilən şəxs 22 yaşlı Pərvindir.
Məlumata görə, Pərvin sosial şəbəkədə Leyla adlı xanımla tanış olub. Onlar arasında sevgi münasibətləri yaranıb və bir müddət birlikdə yaşayıblar.
Zərərçəkmiş Leyla iddia edib ki, Pərvin onun etibarından istifadə edərək 34 min manat pulunu ələ keçirib.
Məlumata görə, Pərvin Leylaya həm anasının məzar daşını düzəltdirəcəyini, həm də onu Binəqədi bələdiyyəsində işə düzəldəcəyini vəd edib. Amma onu aldadaraq, müxtəlif bəhanələr gətirərək pulunu qaytarmayıb.
Pərvin Leylaya bələdiyyədə aylıq 500 manatlıq iş vəd edib. Hətta ona bir aylıq 250 manat da maaş adı ilə ödəniş edib. O da məlum olub ki, Pərvin bələdiyyənin hüquq şöbəsinin müdiri olan dostu Eldarın məzar daşları istehsal edən sexinin olduğunu, onun vasitəsilə Leylanın anasının məzar daşını düzəltdirəcəyini deyib.
Şöbə müdiri məhkəmədə dindirilən zaman sexinin olmadığını bildirib.
Leylanın ifadəsindən məlum olub ki, Pərvin özünü DTX əməkdaşı kimi təqdim edib, general dayısının olması barədə yalan məlumat verib.
Məhkəmə istintaqı zamanı məlum olub ki, tərəflər arasında barışıq əldə edilib. Dəymiş zərər ödənilib.
Məhkəmə bunu nəzərə alaraq Pərvin barəsində 2 il azadlığın məhdudlaşdırılması cəzası təyin edib.
Oxşar xəbərlər
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Talassemiyalı uşaqların pullarının mənimsənilməsi ilə bağlı növbəti məhkəmə keçirilib
Ağır cinayətlərdə təqsirləndirilən erməniəsilli şəxslərin məhkəməsi davam etdirilib - YENİLƏNİB
Prezident İlham Əliyev XII Qlobal Bakı Forumunun açılış mərasimində çıxış edib
Ən son xəbərləri bizim
"Facebook" səhifəmizdə izləyin
Digər xəbərlər
-
Livanda "Hizbullah"ın beş üzvü dövlət təhlükəsizliyinə təhdiddə ittiham olunub
-
Qızılın qiyməti ötən ilin sentyabrından sonra ilk dəfə 3 650 dollardan aşağı düşüb
-
"Anthropic"in səhmləri "Nasdaq"da ticarətin ilk günündə 17 % artıb
-
XİN: Tbilisidə baş vermiş faciəvi partlayış xəbərindən dərin kədər hissi keçiririk
-
"DOST to DOST" layihəsi çərçivəsində könüllülərin İsmayıllıya infoturu təşkil olunub
-
Uitkoff Berlində Avropa liderləri ilə görüşü məhsuldar adlandırıb













