Rusiyada "Xalqın səsi" ictimai birliyi ölkənin Səhiyyə Nazirliyi və Dövlət Dumasına müraciət edərək "Ayıqlıq günləri"nin tətbiqi təşəbbüsü ilə çıxış edib.

BAKU.WS xəbər verir ki, bəzi tarixlərdə alkoqollu içkilərin satışına məhdudiyyət qoyulması təklif edilib. 

Həmin günlər aşağıdakılardır:

25 may (Son zəng günü),

28 iyun (Məktəb məzunları günü),

8 iyul (Ailə, sevgi və sədaqət günü),

1 sentyabr (Bilik günü),

3 oktyabr (Ümumdünya Ayıqlıq Günü), – bu barədə Life xəbər verir.

Bu təşəbbüsün əsasında Belarus təcrübəsi dayanır. Həmin ölkədə bəzi bölgələrdə bu kimi tədbirlər artıq həyata keçirilir. Müraciət mətnində qeyd olunur ki, "Ayıqlıq günləri"nin tətbiqi sağlam həyat tərzinin təşviqinə, xüsusən də gənclər arasında alkoqolizmin qarşısının alınmasına və alkoqoldan istifadə ilə bağlı mənfi halların azalmasına xidmət edəcək.

Təşəbbüs müəllifləri yalnız alkoqollu məhsulların satışını müvəqqəti məhdudlaşdırmağı deyil, eyni zamanda həmin günlərdə xüsusi tədbirlərin təşkilini də təklif edirlər. Bu tədbirlərə həkimlərlə görüşlər, alkoqolun zərərləri barədə maarifləndirici proqramlar və sağlam həyat tərzinin təbliği daxildir.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev Əfv Sərəncamı imzalayıb

Prezident İlham Əliyev XII Qlobal Bakı Forumunun açılış mərasimində çıxış edib