Yaponiyadan olan bir kişi 10 il ərzində vizual olaraq cavanlaşaraq sosial şəbəkədə maraq doğurub.

Far.Az xəbər verir ki, bu barədə yerli "Oddity Central" nəşri yazıb. 

Aki adlı yaponiyalı sakin yerli televiziyaya verdiyi müsahibədə öz həyatından danışdıqdan sonra məşhurlaşıb.

Son on ildə 33 yaşlı kişi tamamilə dəyişərək yaşından qat-qat cavan görünməyə başlayıb.

Onun sözlərinə görə, dəyişikliklərə başlamaq üçün onun başına xoşagəlməz hadisə gəlib: "23 yaşımda olarkən rəism məni vaxtından əvvəl qocalmaq və keçəlləşmək səbəbilə ələ salıb. Bundan qısa müddət sonra sevgilim məni tərk edib, bu da mənim özünəinamımı sarsıdıb. Mən təslim olmaq əvəzinə həyatımı tamamilə dəyişməyə qərar verdim".

O, bu illər ərzində ciddi bir gündəlik rejim hazırlayıb. Bu rejimə aşağıdakılar daxildir: hava şəraitindən asılı olmayaraq müntəzəm günəş kremi istifadəsi, idmanla məşğul olmaq, mədə sağlamlığının nəzarətdə saxlanılması, spa prosedurları, siqaretdən imtina və gec yatmaq vərdişindən uzaq durmaq.

Bundan əlavə, Aki kosmetik prosedurlara da gedir - o, botoks inyeksiyaları etdirir və saç köçürmə kursu keçir ki, saç xəttini qoruyub saxlasın.

"Dərim indi 10 il əvvəlki kimidir", - deyə o bildirib.

Qalereya

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev Əfv Sərəncamı imzalayıb

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev XII Qlobal Bakı Forumunun açılış mərasimində çıxış edib