Cəlilabad rayonunun Cəfərxanlı kəndində yerləşən “Paşatəpə” abidəsinin ətrafına mühafizə zolağı çəkilib.

"Report"un Muğan bürosunun məlumatına görə, rayonunun Cəfərxanlı kəndində Azərbaycan Milli Elmlər Akademiyasının Arxeologiya, Etnoqrafiya və Antropologiya İnstitutunun aparıcı elmi işçisi, tarix elmləri doktoru, dosent Vəfa Mahmudovanın rəhbərliyi ilə “Paşatəpə” abidəsində mövsümi olaraq qazıntı işləri aparılır.

Neolit dövrünə aid olan bu qədim yaşayış məskənində son günlərdə tarixi əhəmiyyət kəsb edən nadir tapıntılar tapılıb. Bu səbəbdən abidənin Azərbaycan tarixi üçün verə biləcəyi böyük əhəmiyyəti dəyərləndirilərək onun mühafizəsinin gücləndirilməsi məqsədilə ətrafının hasarlanmasına göstəriş verilib.

“Paşatəpə” tarixi abidəsinin qorunması məqsədilə ətrafına 270 metr metal-tor və tikanlı məftillərlə mühafizə zolağı çəkilib.

Oxşar xəbərlər

Azərbaycan Sərhəd Mühafizəsinin yaranmasından 105 il ötür

Tanınmış tarixçi, professor Şahin Fazil vəfat edib 

Azərbaycanda tanınmış tarixçi vəfat etdi - FOTO

Qərbi Azərbaycan Xronikası: “Qanlı və Kəsəmən kəndlərinin adı üç dəfə dəyişdirilib”

Tarixi addım: Putinin ərazi bütövlüyünü tam təmin etdiyi dövrdə Azərbaycana baş tutan səfəri - ŞƏRH