Sərvətini övladlarına yox, xeyriyyə fondlarına vəsiyyət edən MƏŞHURLAR
Far.Az xəbər saytı

Sərvətini övladlarına yox, xeyriyyə fondlarına vəsiyyət edən MƏŞHURLAR


Son illərdə bəzi məşhur şəxslər və sahibkarlar övladlarına miras buraxmaq əvəzinə sərvətlərinin böyük hissəsini fondlara və xeyriyyə təşkilatlarına vəsiyyət edirlər. Onlar bu qərarları ilə gələcək nəsillərə sadəcə zənginlik ötürmək yox, sosial fayda yaratmaq niyyətində olduqlarını göstərirlər.

BAKU.WS xəbər verir ki, məsələn, Bill Gates və keçmiş həyat yoldaşı Melinda, Gates Fondunun fəaliyyətini gücləndirmək üçün sərvətlərinin böyük hissəsini bu fonda yönəltməyi planlaşdırıblar. Tanınmış aşpaz Gordon Ramsay da övladlarına böyük maliyyə mirası verməyəcəyini, sərvətini sosial məqsədlərə ayıracağını açıqlayıb. Musiqiçi Elton Con isə "uşaqlara gümüş qaşıq vermək" yanaşmasının onların inkişafına mane ola biləcəyini deyərək mirasının əhəmiyyətli hissəsini xeyriyyə işlərinə yönəltmək niyyətindədir. Hollivud ulduzu Aşton Kuçer və aktrisa Mila Kunis də uşaqları üçün böyük miras qoymayacaqlarını, sərvətlərini xeyriyyə ilə bölüşdürəcəklərini bəyan ediblər.

Miras məsələsində qarışıqlıq yaradan məşhurlar da olub. Məsələn, musiqi dahisi Prins 2016-cı ildə vəsiyyətsiz dünyasını dəyişib və 45-dən çox insan miras iddiası ilə çıxış edib. Aretha Franklin-in evindən müxtəlif əllə yazılmış vəsiyyətlər tapılmış və hansı sənədin hüquqi qüvvəyə malik olduğu uzun müddət mübahisə mövzusu olub. Ən çox müzakirə edilən nümunələrdən biri də Maykl Ceksondur. Onun 242 milyon dollarlıq mirası vəsiyyətsiz qalması səbəbilə illərlə məhkəmə çəkişmələrinə gətirib çıxarıb.

Ekspertlərin fikrincə, bu tendensiya miras anlayışının dəyişdiyini göstərir. Artıq sərvətin yalnız genetik varislərə ötürülməsi deyil, həm də ictimai məsuliyyət və sosial fayda ilə əlaqələndirilməsi daha geniş qəbul olunur.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Məşhur musiqiçi ilə aktrisa həyat yoldaşı TƏLƏBƏ OLDU
Yaşı 50-dən artıq olan TÜRKİYƏLİ MƏŞHURLAR

Ən son xəbərləri bizim

"Facebook" səhifəmizdə izləyin

Digər xəbərlər