Ermənistanda vəziyyət gərginləşib: Kilsə ilə kim manipulyasiya edir?
"Paşinyanın kilsə ilə mübarizəsi ən kritik həddə çatıb. Hətta II Qareginin istefası tələb olunur. Ermənistanda tamamilə yeni kilsənin yaradılacağı ilə bağlı fərziyyələr də var.
Bütün baş verənlər Ermənistan ictimaiyyətini parçalayıb. Dini inanclı təbəqənin hakimiyyətə aqressiyası daha da artıb və Paşinyanın impiçment məsələsi gündəmdədir".
Bu sözləri Oxu.Az-a açıqlamasında Milli Məclisin deputatı Nigar Məmmədova deyib.
O bildirib ki, assimilyasiya təhdidi ilə üz-üzə qalan erməni diasporu, əsasən, müxalifəti dəstəkləyir:
"Revanşistlər isə Rusiyanı əsas qarant kimi görməkdə davam edirlər. Doğrudur, baş nazir Paşinyan da hakim partiyanın son qurultayında Ermənistanın Rusiya ilə münasibətləri möhkəmləndirmək yolu tutacağını söyləyib. Amma bu yanaşmanın səmimiliyinə hətta Moskvada belə inananlar çox deyil. Kremlin Ermənistanda kilsə vasitəsilə formalaşdırdığı təsir dairəsi ciddi şəkildə daralıb".
"Paşinyanın Türkiyə ilə münasibətləri normallaşdırmağa, Cənubi Qafqazda sülh şəraitində qonşularla münasibətlərin yenidən qurulmasına, Rusiyadan asılılığın aradan qaldırılmasına yönələn yeni strategiyası isə Qərb tərəfindən dəstəklənir. Ermənistanın Qərb tərəfdaşları ilə yaxınlaşması Rusiyanın manevr imkanlarını məhdudlaşdırıb", - parlamentari vurğulayıb.
Müsahibimizin sözlərinə görə, istənilən halda bu transformasiyanın özü ilə sabitlik gətirib-gətirməyəcəyi Paşinyan hökumətindən asılıdır:
"Belə ki, Ermənistanın siyasi sabitlik əldə etmək üçün yeganə yolu Azərbaycanla münasibətləri normallaşdırmaq, ərazi iddialarından əl çəkmək, kommunikasiyaların açılması istiqamətində praktik addımlar atmaqdır. Əks halda, siyasi və iqtisadi təcrid Ermənistanı forpostluqdan xilas edə bilməyəcək".
Oxşar xəbərlər
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Azərbaycan Prezidenti İlham Əliyev "Əl-Ərəbiyyə" telekanalına müsahibə verib
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Paşinyan və keşişlərin SON SAVAŞI: Əsl ölüm-dirim mübarizəsi başlayır
Ən son xəbərləri bizim
"Facebook" səhifəmizdə izləyin
Digər xəbərlər
-
Almaniyada məlumat sızıntısına görə "Deutsche Bank" barəsində araşdırma başladılıb
-
Macarıstan Xorvatiya vasitəsilə neft tədarükünə dair danışıqlara başlayıb
-
Böyük Britaniya Ukraynaya mindən çox uzaqmənzilli dron verəcək
-
General Natiq Əliyevin qızı ilə bağlı qərar verildi
-
AzTV-də yeni dövr başlayır: Televiziyada nələr dəyişəcək?
-
Azərbaycanda ağır qəza - Ölənlərin sayı artır: Həlak olan ata və azyaşlı qızının fotosu













