Yaponiya yaşıl enerji sahəsində Azərbaycanla əməkdaşlığı genişləndirməyi planlaşdırır
Far.Az xəbər saytı

Yaponiya yaşıl enerji sahəsində Azərbaycanla əməkdaşlığı genişləndirməyi planlaşdırır


Yaponiya energetikanı, o cümlədən yaşıl enerjini Azərbaycanla əməkdaşlığın prioritet istiqaməti hesab edir.

Bu barədə "Far.Az"a Yaponiyanın Azərbaycandakı səfiri Katuya Vatanabe məlumat verib.

O Azərbaycanı çox cəlbedici ölkə kimi xarakterizə edib və ikitərəfli əməkdaşlığın inkişafı üçün əhəmiyyətli potensialı vurğulayıb.

"Prioritet istiqamət energetikadır, o cümlədən yaşıl enerji. Bundan əlavə, turizm sahəsində əməkdaşlığın genişləndirilməsi üçün potensial mövcuddur", - Vatanabe qeyd edib.

Səfir xatırladıb ki, Azərbaycan və Yaponiya arasında iqtisadi əməkdaşlıq üzrə hökumətlərarası komissiyanın son iclası keçən il Tokioda keçirilib.

"Ənənəyə uyğun olaraq, növbəti iclas Bakıda keçiriləcək. Dəqiq tarix hələ məlum deyil, lakin tərəflər bu məsələni yaxın zamanda müzakirə etməyi planlaşdırırlar. Həmçinin bu il xarici işlər nazirlikləri arasında məsləhətləşmələr də keçiriləcək", - o bildirib.

Vatanabe qeyd edib ki, ötən il tərəflər informasiya texnologiyaları sahəsində əməkdaşlıq haqqında memorandum imzalayıblar və cari ildə onun həyata keçirilməsi üçün daha konkret mexanizmlərinin müzakirəsi planlaşdırılır.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Bakıda TDT Xəritəçəkmə Qurumları Rəhbərlərinin ikinci iclası keçirilib, bəyannamə qəbul edilib
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Ən son xəbərləri bizim

"Facebook" səhifəmizdə izləyin

Digər xəbərlər