ADA Universitetində şirkətlərin "yaşıl enerji" və bərpa olunan enerji mənbələrinin (BOEM) inkişafı, həmçinin yeni texnologiyaların tətbiqi üçün tələbə və müəllimlərlə birgə işləmək imkanı əldə edəcəyi laboratoriyaların yaradılması planlaşdırılır.

"Far.Az" xəbər verir ki, bu barədə Milli Məclisin deputatı, ADA Universitetinin prorektoru Fariz İsmayılzadə Bakıda "Qoşulmama Hərəkatı Gənclər Həftəsi" çərçivəsində panel müzakirədə deyib.

"İndi bizdə (ADA Universitetində - red.) şirkətlərin gəlib yaşıl enerjini, BOEM-i və yeni texnologiyaları inkişaf etdirə biləcəyi laboratoriyaların yaradılmasına dair böyük bir baxış var. Biz, həmçinin kənd təsərrüfatı üzrə davamlı metodları işləyib hazırlamaq, suya qənaət etmək, səmərəliliyi artırmaq və bitkilərin iqlim dəyişikliyinə davamlılığını təmin etmək üçün müasir sensorlar və avadanlıqlar tətbiq etmək məqsədilə kənd təsərrüfatı şirkətləri ilə əməkdaşlıq edirik", - İsmayılzadə qeyd edib.

Onun sözlərinə görə, bu təşəbbüslər tələbə və universitet tədqiqat layihələri vasitəsilə, eləcə də sənaye müəssisələri ilə əməkdaşlıq çərçivəsində həyata keçiriləcək.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

FHN şagird və müəllimlərlə təlim keçirdi

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4